चेन्नई : IPL च्या सहाव्या सामन्यात चेन्नई सुपर किंग्सने लखनौ सुपर जायंट्सचा 12 धावांनी पराभव केला आहे. चेन्नईचा या सिजनमधला पहिला विजय ओहे. गेल्या सामन्यात चेन्नईला गुजरात टायटन्सविरुद्ध पराभव स्वीकारावा लागला होता. एमए चिदंबरम स्टेडियमवर नाणेफेक गमावल्यानंतर चेन्नईने प्रथम फलंदाजी करताना 20 षटकांत 7 गडी गमावून 217 धावा केल्या. प्रत्युत्तरात लखनौचा संघ 20 षटकांत सात गडी गमावून 205 धावाच करू शकला.
धोनीने रचला इतिहास : चेन्नई सुपर किंग्जचा कर्णधार आणि अनुभवी यष्टीरक्षक फलंदाज एमएस धोनीने सोमवारी आयपीएलमध्ये मोठा इतिहास रचला. धोनीने पाच हजार धावांचा टप्पा पार केला आहे. आयपीएलमध्ये यष्टिरक्षक म्हणून पाच हजार धावा करणारा तो पहिला खेळाडू आहे. लखनऊ सुपर जायंट्सविरुद्ध चेपॉक स्टेडियमवर ३ चेंडूत १२ धावांच्या खेळीत त्याने ही कामगिरी केली. धोनी फलंदाजीला आला तेव्हा हा पल्ला गाठण्यासाठी त्याला फक्त ८ धावांची गरज होती.
लाजीरवाणा विक्रम : आयपीएल 2023 मध्ये सहावा सामना चेन्नई सुपर किंग्स विरुद्ध लखनऊ सुपरजायंट्स असा खेळला गेला. चेन्नई येथील चेपॉक स्टेडियमवर खेळल्या गेलेल्या सामन्यात चेन्नईने 12 धावांनी विजय मिळवला. विजय मिळवला असला तरी, या सामन्यात चेन्नईचे वेगवान गोलंदाज चांगलेच महागडे ठरले. इम्पॅक्ट प्लेयर म्हणून मैदानात पाऊल ठेवलेल्या तुषार देशपांडे याने आपल्या पहिल्या षटकात एक नकोसा विक्रमही आपल्या नावे करून घेतला.
लखनऊचा पहिल्या सामन्यात मोठा विजय : दुसरीकडे, केएल राहुलच्या नेतृत्वाखालील लखनऊ सुपर जायंट्सने शनिवारी दिल्ली कॅपिटल्सवर मोठा विजय नोंदवला. या सामन्यात काइल मायर्सने तुफान फलंदाजी केली तर मार्क वुडने पाच बळी घेतले होते. फलंदाजीत मायर्सशिवाय कर्णधार राहुल, निकोलस पूरन आणि मार्कस स्टॉइनिस यांच्यावरही संघाची भिस्त असेल. त्याचबरोबर गोलंदाजीत वुडसह फिरकीपटू रवी बिश्नोई आणि के. गौतम यांची भूमिका महत्त्वाची ठरणार आहे.
दोन्ही संघ : चेन्नई सुपरकिंग्स - महेंद्रसिंग धोनी (कर्णधार), डेव्हॉन कॉनवे, ऋतुराज गायकवाड, अंबाती रायुडू, मोईन अली, बेन स्टोक्स, रवींद्र जडेजा, अजिंक्य रहाणे, सिसांडा मगाला, रवींद्र जडेजा, शिवम दुबे, ड्वेन प्रिटोरियस, अहय मोंडल, निशांत सिंधू, राजवर्धन मिशेल, मिचेल सँटनेर, सुभ्रांशु सेनापती, सिमरजीत सिंग, मथिसा पाथीराना, महिश तिक्ष्णा, भगत वर्मा, प्रशांत सोळंकी, शेख रशीद, तुषार देशपांडे ; लखनऊ सुपर जायंट्स - लोकेश राहुल (कर्णधार), काईल मायर्स, दीपक हुडा, कुणाल पंड्या, अमित मिश्रा, निकोलस पूरन, नवीन-उल-हक, आयुष बदोनी, आवेश खान, करण शर्मा, युधवीर चरक, यश ठाकूर, रोमॅरियो शेफर्ड, मार्क वुड, स्वप्नील सिंग, मनन वोहरा, डॅनियल सायम्स, प्रेरक मंकड, कृष्णप्पा गौतम, जयदेव उनाडकट, मार्कस स्टॉइनिस, रवी बिश्नोई, मयंक यादव.
हेही वाचा : World Cup 2023 : आयसीसीने जारी केला विश्वचषक 2023 चा लोगो, ही आहे स्पेशल थीम
