नवी दिल्ली : माजी क्रिकेटपटू रॉबिन उथप्पा यशस्वी जैस्वालची मुंबई इंडियन्सविरुद्धची अप्रतिम कामगिरी पाहून थक्क झाला. रॉबिन उथप्पाने यशस्वीच्या दमदार कामगिरीचे कौतुक केले आहे. आयपीएलच्या 42व्या सामन्यात मुंबई इंडियन्सने 6 गडी राखून विजय मिळवला. या सामन्यात राजस्थान रॉयल्सला पराभवाचा सामना करावा लागला. पण या सामन्यानंतर राजस्थान संघाची फलंदाज यशस्वी जैस्वालला खूप चर्चेत येत आहे. या सामन्यात यशस्वीने शानदार शतक पूर्ण केले. या मोसमात शतक ठोकणारा तो तिसरा फलंदाज ठरला आहे.
जैस्वाल हा भारतीय क्रिकेटच्या पुढील सुपरस्टारपैकी एक : रॉबिन उथप्पा म्हणाला की, राजस्थान रॉयल्ससाठी शानदार शतक झळकावणारा यशस्वी जैस्वाल हा भारतीय क्रिकेटच्या पुढील सुपरस्टारपैकी एक आहे. मुंबई इंडियन्सने रविवारी वानखेडे स्टेडियमवर उच्च-स्कोअरिंग थ्रिलरमध्ये राजस्थान रॉयल्सवर 6 गडी राखून सनसनाटी विजय नोंदवला आणि त्यांच्या आयपीएल 2023 प्लेऑफच्या आशा जिवंत ठेवल्या. या सामन्यात राजस्थान रॉयल्सची सुरुवात चांगली झाली होती. यशस्वीने 62 चेंडूत 16 चौकार आणि 8 षटकारांसह 124 धावा केल्या. राजस्थान संघाने 213 धावांचे लक्ष्य ठेवले होते, जे मुंबई संघाने सूर्यकुमार यादवच्या 29 चेंडूत 8 चौकार आणि 2 षटकारांसह 55 धावांच्या खेळी आणि टीम डेव्हिडच्या चमकदार कामगिरीच्या जोरावर पूर्ण केले.
यशस्वीची खेळी राजस्थानला विजय मिळवून देण्यात अपयशी : टीम डेव्हिडने केवळ 14 चेंडूत 45 धावांची धमाकेदार खेळी केली, ज्यात त्याने 2 चौकार आणि 5 षटकार ठोकले. यशस्वीचे हे आयपीएलमधील पहिले शतक होते. रॉबिन उथप्पा म्हणाला, 'युवा सलामीवीर भारतीय क्रिकेटच्या पुढच्या सुपरस्टार्सपैकी एक आहे. त्याने सुरुवातीपासूनच आपला इरादा दाखवून दिला. त्याची निर्भय फलंदाजी आणि तो ज्या प्रकारे खेळतो, तो खूप धाडसी आहे. या मोसमात त्याने खूप मेहनत घेतली आहे. मात्र यशस्वीची खेळी राजस्थानला विजय मिळवून देऊ शकली नाही. टीम डेव्हिडने मुंबईच्या धावांचे आव्हान अंतिम षटकात तीन षटकारांसह पूर्ण केले आणि तीन चेंडू राखून सामना जिंकला.
हेही वाचा : IPL 2023 : मोठ्या संघर्षात मुंबई इंडियन्सचा राजस्थानवर ६ विकेट्स राखून दणदणीत विजय
