Dinesh Karthik Love Story : प्रेमात आणि मैत्रीमध्ये मिळाला धोका, परंतु प्रेमाने पुन्हा सावरले

क्रिकेट हा जर-तरचा खेळ नाही, कधी एका बॉलवर कोण सिक्सर मारून हिरो बनेल, तर कधी कोण आउट होऊन झिरो होईल, हे सांगता येत नाही. पण हो, या खेळात दीर्घकाळ टिकून राहण्यासाठी प्रत्येक खेळाडूने कामगिरी करत राहून तंदुरुस्त राहायला हवे. साधारणपणे 34-35 वर्षांच्या वयात क्रिकेटपटू आउट ऑफ फार्म होत असतात. पण दिनेश कार्तिक सारखे दिग्गज वयाच्या 36व्या वर्षीही अप्रतिम कामगिरी करत आहेत. चला जाणून घेऊया दिनेश कार्तिकच्या आयुष्याशी संबंधित किस्से.

हैदराबाद: दिनेश कार्तिक नावाच्या युवा यष्टीरक्षकाने भारतीय क्रिकेट संघात पदार्पण केले. त्याचे क्रिकेट जीवन उंची गाठत होते आणि 2007 मध्ये त्याची बालपणीची मैत्रीण निकिता वंजारा हिच्याशी लग्न केले. दिनेश आणि निकिता त्यांच्या वैवाहिक आयुष्यात खूप आनंदी होते. दिनेश रणजी ट्रॉफीमध्ये तामिळनाडू संघाचे कर्णधारही होता. तामिळनाडू संघाचा सलामीवीर मुरली विजय हा त्याचा खास मित्र होता, जो नंतर भारतीय संघाचाही भाग बनला.

एके दिवशी निकिता दिनेश कार्तिकचा सहकारी खेळाडू मुरली विजयला भेटली. निकिताला मुरली विजय आवडला. निष्पाप दिनेश कार्तिकला हे लक्षात आले नाही. निकिता आणि मुरली यांच्यात जवळीक वाढू लागली आणि काही वेळातच दोघांचे अफेअर सुरू झाले. दोघांनी उघडपणे भेटायला सुरुवात केली. दिनेश कार्तिक व्यतिरिक्त, संपूर्ण तामिळनाडू संघाला माहित होते की मुरली विजय त्याच्या कर्णधार दिनेशची पत्नी निकिताच्या प्रेमात आहे.

त्यानंतर काय झालं - त्यानंतर 2012 साल आले, जेव्हा निकिता प्रेग्नंट झाली आणि निकिताने सांगितले, हे मूल मुरली विजयचे आहे. यामुळे दिनेश कार्तिकला धक्का बसला. त्याने निकिताला घटस्फोट दिला. घटस्फोटाच्या दुसऱ्याच दिवशी, निकिताने मुरली विजयशी लग्न केले आणि अवघ्या तीन महिन्यांनंतर त्यांना एक मूल झाले. त्यादरम्यान दिनेश कार्तिक डिप्रेशनमध्ये गेला. तो मानसिक आजारी होऊ लागला, पत्नी आणि मित्र मुरलीची ही फसवणूक तो सहजासहजी विसरू शकत नव्हता. तो मद्यपी झाला, सकाळपासून संध्याकाळपर्यंत दारू प्यायला लागला. त्याला भारतीय संघातून वगळण्यात आले होते आणि रणजी ट्रॉफीमध्येही तो अपयशी ठरत होता.

एवढेच नाही तर तामिळनाडू संघाचे कर्णधारपद त्याच्याकडून काढून घेऊन, मुरली विजयला नवा कर्णधार बनवण्यात आले. अपयशाचा काळ इथेच थांबला नाही, त्याला आयपीएलमधील संघातही स्थान मिळाले नाही. त्याने जिमला जाणेही बंद केले. शेवटी दिनेश इतका हतबल झाला की त्याने आत्महत्या करण्याचा विचारही सुरू केला होता.

मग एक दिवस जिममधला त्याचा ट्रेनर त्याच्या घरी पोहोचला. त्याला दिनेश कार्तिक वाईट अवस्थेत सापडला. त्याने कार्तिकला पकडून थेट जिममध्ये आणले. कार्तिकने नकार दिला, पण त्याच्या ट्रेनरने त्याचे ऐकले नाही. भारतीय स्क्वॉश महिला चॅम्पियन दीपिका पल्लीकल देखील याच जिमला जायची. दिनेश कार्तिकची अवस्था पाहून तिने ट्रेनरसोबत दिनेश कार्तिकचे समुपदेशन सुरू केले.

इथून नवे वळन - ट्रेनर आणि दीपिकाच्या मेहनतीला फळ मिळू लागले. आता दिनेश कार्तिक सुधारण्याच्या मार्गावर होता. दुसरीकडे मुरली विजयचा खेळ सातत्याने खालावत चालल्याने त्याला भारतीय संघातून वगळण्यात आले. नंतर त्याचा खराब फॉर्म पाहता चेन्नई सुपर किंग्जने त्याला आयपीएलमधून बाहेरचा रस्ताही दाखवला. दुसरीकडे, दिनेश कार्तिकने दीपिका पल्लीकलच्या पाठिंब्याने नेटवर जोरदार सराव सुरू केला. त्याचा परिणाम दिसू लागला आणि दिनेश कार्तिकने देशांतर्गत क्रिकेटमध्ये मोठी धावसंख्या उभारण्यास सुरुवात केली. लवकरच त्याची आयपीएलमध्ये निवड झाली आणि त्याला कोलकाता नाईट रायडर्सचा कर्णधारही बनवण्यात आले. तो दीपिकाच्या खूप जवळ आला होता आणि त्याने दीपिकाशी लग्न केले.