हैदराबाद - आयपील 2020 चे जवळपास १५ सामने अद्याप बाकी आहेत. अशा परिस्थितीत बीसीसीआयने प्लेऑफ आणि फायनलच्या सामन्यांचे वेळापत्रक जाहीर केले आहे. ५ ते १० नोव्हेंबरदरम्यान प्लेऑफ आणि फायनलच्या मॅच होतील. ५ नोव्हेंबरला क्वालिफायर-१ दुबईत खेळवली जाईल, तर अबुधाबीत ६ नोव्हेंबरला एलिमिनेटर सामना खेळवला जाईल. ८ नोव्हेंबरला अबुधाबीतच क्वालिफायर-२ ची मॅच होईल आणि अंतिम सामना दुबईत १० नोव्हेंबरला खेळवला जाणार आहे.
क्वालिफायर-१मध्ये पराभूत होणारी टीम आणि एलिमिनेटरमध्ये विजयी होणारी टीम यांच्यादरम्यान क्वालिफायर-२ खेळवली जाते. ह्या सर्व मॅच संध्याकाळी साडेसात वाजता होणार आहेत.