नवी दिल्ली : भारताचा माजी कर्णधार आणि दिग्गज क्रिकेटपटू सचिन तेंडुलकर सध्या सोशल मीडियावर खूप सक्रिय आहे. सचिन तेंडुलकर लंडनमध्ये उन्हाळ्याच्या सुट्टीचा आनंद घेत आहे. यासोबतच तो त्याने त्याचा मित्र ब्रायन लारासोबतचा फोटो सोशल मीडियावर शेअर केला आहे. त्याचा हा फोटो इंटरनेटवर खूप ट्रेंड करत आहे. हे चित्र लंडनच्या रस्त्यांचे असून याआधीही सचिनने केनियातील आपल्या कुटुंबासोबतचे काही फोटो शेअर केले होते. मास्टर ब्लास्टरचा फोटो त्याच्या चाहत्यांना खूप आवडतो.
लंडनच्या रस्त्यांवर भेटलेले क्रिकेटचे दोन दिग्गज : सचिन तेंडुलकरने आपल्या ट्विटर हँडलवरून काही छायाचित्रे शेअर केली आहेत. हे फोटो लंडनचे आहेत. उन्हाळ्यात सचिन लंडनमध्ये आपल्या कुटुंबासोबत वेळ घालवत आहे. पण यावेळी सचिनने शेअर केलेल्या फोटोमध्ये तो कुटुंबासोबत नाही तर त्याच्या खास मित्रासोबत दिसत आहे. क्रिकेटपटू सचिन तेंडुलकर आणि ब्रायन लारा लंडनच्या रस्त्यांवर एकत्र फिरताना दिसले आहेत. 'आज अचानक आणखी एक उत्सुक गोल्फर भेटला' असे सुंदर कॅप्शन देत सचिनने हा फोटो शेअर केला आहे. सचिन तेंडुलकर आणि ब्रायन लारा हे दोघेही गोल्फ प्रेमी आहेत.
-
Casually bumped into another keen golfer today! 😂😂 @BrianLara pic.twitter.com/uA38X0kIkj
— Sachin Tendulkar (@sachin_rt) June 28, 2023 " class="align-text-top noRightClick twitterSection" data="
">Casually bumped into another keen golfer today! 😂😂 @BrianLara pic.twitter.com/uA38X0kIkj
— Sachin Tendulkar (@sachin_rt) June 28, 2023Casually bumped into another keen golfer today! 😂😂 @BrianLara pic.twitter.com/uA38X0kIkj
— Sachin Tendulkar (@sachin_rt) June 28, 2023
वेस्ट इंडिजचा क्रिकेटर ब्रायन लाराला आहे गोल्फचे वेड : सचिन तेंडुलकर आणि वेस्ट इंडिजचा क्रिकेटर ब्रायन लारा या दोघांनाही गोल्फमध्ये खूप रस आहे. सचिन तेंडुलकर 24 वर्षे भारताकडून खेळला आहे. त्याचवेळी ब्रायन लारा 17 वर्षे वेस्ट इंडिजकडून क्रिकेट खेळला आहे. या दोन्ही महान खेळाडूंनी आपापल्या संघाकडून खेळताना अनेक विक्रम केले आहेत. याशिवाय आयपीएलमध्येही सचिन ब्रायन लाराला भेटत आहे. क्रिकेटशिवाय या दोन्ही दिग्गजांना गोल्फ खेळायलाही आवडते. नुकताच सचिनने दक्षिण आफ्रिकेचा गोल्फर गॅरी प्लेयरसोबतचा एक फोटो शेअर केला आहे. यासोबतच सचिन गोल्फ खेळतानाही दिसला आहे.
सचिन तेंडुलकरने शेअर केले कुटुंबासोबतचे फोटो : कुटुंबासोबत वेळ घालवत सचिन तेंडुलकरने नुकतेच कुटुंबासोबतचे काही फोटो शेअर केले होते. हा फोटो केनियातील मसाई मारा नॅशनल रिझर्व्हचा आहे. या फोटोंमध्ये सचिनसोबत पत्नी अंजली आणि मुलगी साराही दिसत आहेत. मसाई माराचे हे सुंदर आणि मनमोहक दृश्य लोकांना आकर्षित करत आहे. त्याच्या कॅप्शनमध्ये सचिनने लिहिले की, 'कौटुंबिक मनोरंजन, मसाई मारा! #MasaiMaradiaries मसाई मारा केनियामध्ये स्थित असून हे ठिकाण निसर्ग आणि वैविध्यपूर्ण वन्यजीवांसाठी सुप्रसिद्ध आहे. सोशल मीडिया यूजर्सनी या फोटोंवर मजेशीर कमेंट्स करत आपल्या प्रतिक्रिया व्यक्त केल्या आहेत. यासोबतच या फोटोंना 10 लाखांहून अधिक लोकांनी लाईक केले आहे.
हेही वाचा -
