नवी दिल्ली Cricket World Cup 2023 BAN vs SL : विश्वचषकाचा 38 वा सामना आज नवी दिल्लीतील अरुण जेटली स्टेडियमवर बांगलादेश आणि श्रीलंका यांच्यात होणार आहे. इंग्लंड आणि बांगलादेश अधिकृतपणे विश्वचषकातून बाहेर पडले आहेत. त्याचवेळी श्रीलंकेला फार कमी आशा आहेत. पण त्यांचं उपांत्य फेरीतीलं स्थान इतर संघांच्या कामगिरीवर अवलंबून असेल. दोन्ही संघ आता आपली प्रतिष्ठा राखण्यासाठी मैदानात उतरणार आहेत.
-
Sri Lanka's #CWC23 semi-final hopes are on the line as they take on Bangladesh in Delhi 🇧🇩 🇱🇰#BANvSL pic.twitter.com/w5vpEQtLfZ
— ICC Cricket World Cup (@cricketworldcup) November 6, 2023 " class="align-text-top noRightClick twitterSection" data="
">Sri Lanka's #CWC23 semi-final hopes are on the line as they take on Bangladesh in Delhi 🇧🇩 🇱🇰#BANvSL pic.twitter.com/w5vpEQtLfZ
— ICC Cricket World Cup (@cricketworldcup) November 6, 2023Sri Lanka's #CWC23 semi-final hopes are on the line as they take on Bangladesh in Delhi 🇧🇩 🇱🇰#BANvSL pic.twitter.com/w5vpEQtLfZ
— ICC Cricket World Cup (@cricketworldcup) November 6, 2023
दोन्ही संघांची निराशजनक कामगिरी : शाकीब अल हसनच्या नेतृत्वाखालील बांगलादेशनं सलग सहा सामने गमावले आहेत. या विश्वचषकात त्यांना एकच सामना जिंकता आलाय. गुणतालिकेत ते नवव्या स्थानावर आहेत. पाकिस्ताननं मागील सामन्यात बांगलादेशचा 7 विकेट्सनं पराभव केला होता. त्यामुळं ते स्पर्धेतून बाहेर पडले आहेत. तर दुसरीकडे, श्रीलंकेचा प्रथम अफगाणिस्तानविरुद्ध आणि नंतर भारताविरुद्ध लाजिरवाणा पराभव झालाय. त्यांच्या फलंदाजांच्या निराशाजनक कामगिरीमुळं त्यांना भारताविरुद्ध तब्बल 302 धावांनी मानहानीकारक पराभवाला सामोरं जावं लागलं होतं.
सामन्यावर प्रदूषणाचे ढग : राष्ट्रीय राजधानी क्षेत्रात वायूप्रदूषणामुळं श्रीलंका आणि बांगलादेश यांच्यातील विश्वचषकातील आजच्या सामन्यावर अनिश्चिततेचे ढग असून खेळाडूंच्या आरोग्याला किंवा सामन्याला प्राधान्य दिलं जातं की नाही हे पाहणं बाकी आहे. विषारी धुक्यानं राष्ट्रीय राजधानीला वेढलंय. यामुळं दोन्ही संघांना किमान एकदा त्यांचे सराव सत्र रद्द करावे लागले, कारण वायु गुणवत्ता निर्देशांक (AQI) गंभीर श्रेणीत आहे.
खेळपट्टी कशी असेल : दिल्लीच्या अरुण जेटली स्टेडियमची खेळपट्टी सहसा फलंदाजीसाठी फायदेशीर असते. या खेळपट्टीवर फलंदाजांना चौकार मारणं सोपं जातं. कारण खेळपट्टी कोरडी आहे आणि सीमारेषा लहान आहेत. जसजसा सामना पुढे जाईल तसतशी फिरकीपटूंना मदत मिळेल. या मैदानावर नाणेफेक जिंकणारा संघ प्रथम फलंदाजी करणे पसंत करतो.
हेड टू हेड रेकॉर्ड कसा : बांगलादेश आणि श्रीलंका यांच्यात एकदिवसीय क्रिकेटमध्ये आतापर्यंत एकूण 53 सामने खेळले गेले आहेत. ज्यात श्रीलंकेचा वरचष्मा दिसतोय. श्रीलंकेनं 42 सामने जिंकले आहेत. तर बांगलादेशला केवळ 9 सामने जिंकता आले आहेत. तर दोन सामने अनिर्णित राहिले आहेत.
दोन्ही संघांची संभाव्य प्लेइंग इलेव्हन :
बांगलादेश : तन्झीद हसन, लिटन दास, नझमुल हुसेन शांतो, मुशफिकुर रहीम (यष्टिरक्षक), महमुदुल्लाह, शकिब अल हसन (कर्णधार), तौहीद ह्रदोय, मेहदी हसन मिराज, तस्किन अहमद, मुस्तफिजुर रहमान, शोरीफुल इस्लाम
श्रीलंका : पथुम निसांका, दिमुथ करुणारत्ने, कुसल मेंडिस (कर्णधार, यष्टिरक्षक), सदिरा समरविक्रमा, चारिथ असालंका, अँजेलो मॅथ्यूज, दुशान हेमंथा, दुष्मंथा चमीरा, महिश थीक्षणा, कसून रजिथा, दिलशान मदुशंका
हेही वाचा :
