सुरत - भारतीय क्रिकेट नियामक मंडळाकडून (बीसीसीआय) भरवण्यात येणारी मुश्ताक अली टी-२० करंडक स्पर्धेत महाराष्ट्रापाठोपाठ मुंबईच्या संघाला उपांत्य फेरी गाठण्यात अपयश आले. नामांकित खेळाडूंचा भरणा असलेला मुंबईचा संघ उपांत्य फेरी गाठू शकला नाही.
मुंबईचा साखळी फेरीतील अखेरचा सामना पंजाबविरुध्द झाला. हा सामना मुंबईने २२ धावांनी जिंकला. मात्र, निव्वळ धावगतीच्या शर्यतीत पिछाडीवर राहिल्यामुळे मुंबईचे आव्हान संपुष्टात आले.
लालाभाई काँट्रॅक्टर स्टेडियमवर झालेल्या या सामन्यात मुंबईने प्रथम फलंदाजी करताना २० षटकात ३ बाद २४३ धावा केल्या. यात कर्णधार सूर्यकुमार यादव (८० धावा), श्रेयस अय्यर (नाबाद ८०) आणि पृथ्वी शॉ (५७) या तिघांनी अर्धशतकी खेळी केली.
