शार्दुलने कसोटीत षटकार ठोकत उघडले खाते, अशी कामगिरी करणारा दुसरा भारतीय

ब्रिस्बेन कसोटीत दबाव असताना शार्दुलने खणखणीत षटकार लगावत कसोटीत आपले धावांचे खाते उघडले. विशेष म्हणजे, शार्दुलने कसोटी गोलंदाजी क्रमवारीत अव्वलस्थानी असलेल्या पॅट कमिन्सला षटकार ठोकला. असा पराक्रम करणारा शार्दुल दुसरा भारतीय तर १३ जागतिक खेळाडू ठरला आहे.

players off the mark with a six in tests thakur joins the elite list

Published : Jan 17, 2021, 10:14 AM IST

ब्रिस्बेन - भारतीय संघाचा मराठमोळा खेळाडू शार्दुल ठाकूरने कसोटीमधील आपली पहिली धाव षटकाराने काढली. असा करणारा शार्दुल दुसरा भारतीय खेळाडू ठरला आहे. याआधी यष्टीरक्षक फलंदाज ऋषभ पंतने हा कारनामा केला आहे.

भारत आणि ऑस्ट्रेलिया यांच्यात चौथा आणि अखेरचा कसोटी सामना ब्रिस्बेनमध्ये खेळवला जात आहे. ऑस्ट्रेलियाने या सामन्यात प्रथम फलंदाजी करताना पहिल्या डावात ३६९ धावा केल्या आहेत. प्रत्युत्तरादाखल भारतीय संघाचे ६ गडी तिसऱ्या दिवसाच्या, दुसऱ्या सत्राच्या सुरूवातीला बाद झाले. तेव्हा शार्दुल ठाकूर मैदानात आला.

दबाव असताना शार्दुलने खणखणीत षटकार लगावत कसोटीत आपले धावांचे खाते उघडले. विशेष म्हणजे, शार्दुलने कसोटी गोलंदाजी क्रमवारीत अव्वलस्थानी असलेल्या पॅट कमिन्सला षटकार ठोकला. असा पराक्रम करणारा शार्दुल दुसरा भारतीय तर १३ जागतिक खेळाडू ठरला आहे. ऋषभ पंतने २०१८ मध्ये इंग्लंडविरोधात आदिल रशिदला षटकार लगावत आपले धावाचे खाते उघडले होते.

कसोटीत षटकाराने धावांचे खाते उघडणारे फलंदाज –