लाहोर - पाकिस्तान क्रिकेट बोर्डाने (पीसीबी) पंतप्रधान निधीमध्ये एक कोटींपेक्षा जास्त (१०,५३६,५०० पाकिस्तानी रुपये) रुपयांची मदत दिली आहे. देशातील कोरोना व्हायरस विरूद्ध सुरू असलेल्या लढ्यात हातभार लावत पीसीबीने आपले योगदान दिले आहे.
केंद्रीय करारातील खेळाडू आपत्कालीन मदत निधीमध्ये त्यांचे सामूहिक योगदान देतील, असे २५ मार्च रोजी पीसीबीने जाहीर केले होते. पीसीबीचे अध्यक्ष एहसान मणी म्हणाले, की कोरोना विरुद्धच्या लढाईतील योगदानाबद्दल मी पीसीबीच्या सर्व केंद्रीय करार, खेळाडू आणि कर्मचार्‍यांचे आभार मानतो.
पाकिस्तानमध्ये कोरोना व्हायरसमुळे आतापर्यंत १४० लोकांचा मृत्यू झाला आहे. तर ७४०० प्रकरणांची पुष्टी झाली आहे.
