भारताचा माजी क्रिकेटपटू कोरोनाच्या कचाट्यात

भारताकडून १ कसोटी आणि २० एकदिवसीय सामने खेळलेला सलिल म्हणाला, "उद्या माझा वाढदिवस आहे आणि आज मी कोरोनाच्या कचाट्यात सापडलो आहे. कधीही विसरता न येणारा वाढदिवस. या परिस्थितीला सामोरे जाण्याची भीती वाटते पण मला प्रत्येकाच्या प्रार्थनेची गरज आहे. पूर्ण शक्तीने मी परत येईन."

मुंबई - माजी भारतीय वेगवान गोलंदाज आणि मुंबई संघाचा मुख्य निवडकर्ता सलिल अंकोलाला कोरोनाची लागण झाली आहे. फेसबुक आणि इंस्टाग्रामच्या माध्यमातून सलिलने याची माहिती दिली.

सलिल अंकोला

भारताकडून १ कसोटी आणि २० एकदिवसीय सामने खेळलेला सलिल म्हणाला, "उद्या माझा वाढदिवस आहे आणि आज मी कोरोनाच्या कचाट्यात सापडलो आहे. कधीही विसरता न येणारा वाढदिवस. या परिस्थितीला सामोरे जाण्याची भीती वाटते पण मला प्रत्येकाच्या प्रार्थनेची गरज आहे. पूर्ण शक्तीने मी परत येईन."

आगामी स्थानिक हंगामात मुंबईचा नवीन मुख्य निवडकर्ता म्हणून सलिलची निवड झाली. ५२ वर्षीय सलिलने भारतासाठी एकमेव कसोटी सामन्यात दोन गडी बाद केले. त्याने २० एकदिवसीय सामने खेळले असून १३ गडी बाद केले. घरगुती क्रिकेटमध्ये, सलिलने ५४ सामने खेळले आहेत. यात त्याने १८१ बळी घेतले. ४७ धावांत ६ बळी ही त्याची सर्वोत्तम कामगिरी होती.