कोलंबो - इंग्लंडने श्रीलंकेचा दुसऱ्या कसोटी सामन्यात सहा गडी राखून पराभव केला मालिकेत २-० असे निर्भेळ यश मिळवले. पहिल्या डावात १८६ धावांची खेळी साकारणारा रूट सामनावीर आणि मालिकावीर पुरस्काराचा मानकरी ठरला.
चौथ्या दिवशी इंग्लंडच्या फिरकीसमोर श्रीलंकेचा दुसरा डाव गडगडला. जॅक लीच आणि डॉमिनिक बेस या दोघा फिरकीपटूंनी प्रत्येकी चार बळी घेत श्रीलंकेला दुसऱ्या डावात १२६ धावांत रोखले. यामुळे इंग्लंडला विजयासाठी १६४ धावांचे लक्ष्य मिळाले.
सलामीवीर डॉम सिब्ले (नाबाद ५६) आणि यष्टीरक्षक जोस बटलर (नाबाद ४६) यांनी चौथ्या गड्यासाठी ७५ धावांची अभेद्य भागीदारी करत इंग्लंडच्या विजयावर शिक्कामोर्तब केले. दरम्यान, इंग्लंडचा संघ आता भारताच्या दौऱ्यावर येणार आहे. उभय संघातील पहिल्या कसोटी सामन्याला ५ फेब्रुवारीपासून होणार आहे.
हेही वाचा - जागतिक कसोटी अंजिक्यपद स्पर्धेचा अंतिम सामना स्थगित
हेही वाचा - तब्बल पाच वर्षानंतर 'या' दोन देशात रंगणार कसोटी क्रिकेट
