मेलबर्न - ऑस्ट्रेलियाचा सलामीवीर फलंदाज डेव्हिड वॉर्नरने कोरोना व्हायरस विरुद्ध लढणार्‍या डॉक्टर आणि वैद्यकीय कर्मचाऱ्यांच्या समर्थनार्थ आपले मुंडण केले आहे. वॉरर्नरने मुंडण करतानाचा व्हिडिओ आपल्या इंस्टाग्राम अकाऊंटवर शेअर केला.
कोरोनाविरोधात संपूर्ण जग युद्ध लढत आहे. डॉक्टर आणि वैद्यकीय कर्मचारी सातत्याने कार्यरत आहेत. अशा परिस्थितीत या लोकांच्या समर्थनार्थ मी माझे मुंडण करण्याचे ठरवले. आंतरराष्ट्रीय क्रिकेटमध्ये पदार्पण करताना मी मुंडण केले होते, असे त्याने व्हिडिओमध्ये सांगितले.
ही पोस्ट शेअर करताना वॉर्नरने मुंडण करण्याचे चॅलेंज भारतीय कर्णधार विराट कोहली आणि सहकारी ऑस्ट्रेलियन फलंदाज स्टीव्ह स्मिथला दिले आहे. जागतिक आरोग्य संघटनेने कोरोना व्हायरसला ११ मार्च रोजी जागतिक साथीचा रोग जाहीर केला होता.
सिडनी मॉर्निंग हेराल्डच्या म्हणण्यानुसार, कोरोना व्हायरसमुळे आतापर्यंत ऑस्ट्रेलियामध्ये १९ लोकांचा मृत्यू झाला आहे.
