मुंबई - चेन्नई सुपर किंग्जचा उपकर्णधार सुरेश रैनापाठोपाठ अनुभवी फिरकीपटू हरभजन सिंग यानेही स्पर्धेतून माघार घेतली आहे. यामुळे चेन्नईच्या संघासमोरील अडचणीत वाढ झाली आहे. या संदर्भातील वृत्त पीटीआयने दिलं आहे.
पीटीआयने दिलेल्या वृत्तानुसार, हरभजनने आयपीएलच्या १३ व्या हंगामात न खेळण्याचा निर्णय घेतला आहे. त्याने वैयक्तिक कारणास्तव आयपीएलमधून माघार घेतली आहे. दरम्यान, एएनआयला सूत्रांनी दिलेल्या माहितीनुसार, त्याने अजून संघ व्यवस्थापनाला अधिकृतपणे याबाबत कळवलेलं नाही.
हरभजन २०१८ मध्ये चेन्नई संघाचा सदस्य झाला. त्याने २०१८ व २०१९ च्या मोसमात २४ सामन्यांत २३ विकेट्स घेतल्या. आयपीएलमध्ये एकूण त्याने १६० सामन्यांत १५० विकेट्स घेतल्या आहेत.
हेही वाचा - आयपीएल २०२० च्या वेळापत्रकाबाबत सौरव गांगुली म्हणाले...
हेही वाचा - सुरेश रैनासाठी चेन्नई संघाची दारं कायमची बंद? व्हॉट्सअ‍ॅप ग्रुपमधून हकालपट्टी
