नवी दिल्ली: बीसीसीआयने ( Board of Control for Cricket in India ) या वर्षाच्या सुरुवातीला भारताच्या टोकियो ऑलिम्पिक पदक विजेत्यांना रोख पारितोषिके ( Tokyo Olympic medal winners ) देण्यासाठी 4 कोटी रुपये खर्च केले. एका अहवालातून ही माहिती समोर आली आहे. नुकत्याच झालेल्या सर्वोच्च परिषदेच्या बैठकीत, भारतीय क्रिकेट बोर्डाने आपल्या सदस्यांना क्रिकेट व्यतिरिक्त इतर वस्तूंवरील खर्चाचा खुलासा केला.
टाइम्स ऑफ इंडियाच्या अहवालात असे म्हटले आहे की बीसीसीआयच्या दस्तऐवजानुसार, टोकियो ऑलिम्पिक स्पर्धेत भाग घेणार्‍या देशातील खेळाडूंना पाठिंबा देण्यासाठी बोर्डाने भारतीय ऑलिम्पिक संघटनेला 10 कोटी रुपयांची देणगी ( 10 crore donation to IOA ) दिली. तत्पूर्वी, मार्चच्या अखेरीस, भारतीय क्रिकेट बोर्डाने ऑलिम्पिक चॅम्पियन नीरज चोप्रा, कांस्यपदक विजेती लोव्हलिना बोरगोहेन आणि कांस्यपदक विजेत्या भारतीय पुरुष हॉकी संघाच्या सदस्यांना आयपीएलच्या उद्घाटन सामन्यापूर्वी सन्मानित केले.
भालाफेकपटू चोप्राला एक कोटी रुपये, तर हॉकी संघाला एकूण 1.25 कोटी रुपये देण्यात आले होते. बॉक्सर लोव्हलिना बोरगोहेनला 25 लाखांचे बक्षीस देण्यात ( 25 lakhs prize to boxer Lovlina ) आले. त्यांच्याशिवाय दोन रौप्यपदक विजेते, वेटलिफ्टर मीराबाई चानू आणि कुस्तीपटू रवी दहिया यांनाही प्रत्येकी 50 लाख रुपयांचे बक्षीस देण्यात आले. बोरगोहेनसह इतर कांस्यपदक विजेते – शटलर पीव्ही सिंधू आणि कुस्तीपटू बजरंग पुनिया ( Wrestler Bajrang Punia ) यांना प्रत्येकी 25 लाख रुपये देण्यात आले होते.
बीसीसीआयने ऑलिम्पिक सहभागींसाठी पीएम केअर स्मृती चिन्हावर 5 कोटी रुपये खर्च केले. अहवालात पुढे म्हटले आहे की बीसीसीआयने कोविड-19 महामारीच्या दुसर्‍या लाटेदरम्यान ऑक्सिजन कॉन्सेंट्रेटर खरेदी करण्यासाठी गेल्या वर्षी 3.8 कोटी रुपये दिले होते.
हेही वाचा - Celebration At Panipat : नीरजच्या यशानंतर गावात जल्लोष, आई म्हणाली चुरमा करून खाऊ घालणार
