मुंबई : भारतीय संघाचा कर्णधार रोहित शर्मासाठी (Indian captain Rohit Sharma) भविष्यात प्रत्येक सामन्यात तंदुरुस्त राहणे हे आव्हान असल्याचे मत भारताचा माजी अष्टपैलू खेळाडू अजित आगरकर याने व्यक्त केले आहे. वेस्ट इंडिजविरुद्धच्या वनडे मालिकेला ६ फेब्रुवारीपासून अहमदाबादमध्ये सुरुवात होणार आहे. नियमित कर्णधार झाल्यानंतर शर्माची ही पहिलीच मालिका आहे.
आगरकर म्हणाले, माझ्या मते ही चांगली आणि योग्य गोष्ट आहे. पांढऱ्या चेंडूच्या फॉरमॅटसाठी कर्णधार असणे ही मोठी गोष्ट आहे. त्यामुळे माझ्या मते रोहित शर्मासाठी तंदुरुस्त राहणे आणि सर्वकाही व्यवस्थापित करणे हे आव्हान असेल. तुम्हाला तंदुरुस्त कर्णधार हवा आहे, असे आगरकरने स्टार स्पोर्ट्सवरील गेम प्लॅन शोमध्ये सांगितले.
याआधी विराट कोहली आणि एमएस धोनी दोघेही खूप फिट होते. ते क्वचितच एखादा सामना खेळू शकले नाहीत. 2020 च्या सुरुवातीपासून शर्माला विविध दुखापतींनी ग्रासले (Sharma suffered various injuries) आहे. ज्यामुळे महत्त्वाचे परदेश दौऱ्याला तो मुकला आहे. फेब्रुवारी 2020 मध्ये, ओव्हल येथे झालेल्या पाचव्या टी-20 सामन्यामध्ये दुखापतीमुळे न्यूझीलंडविरुद्धच्या वनडे आणि कसोटी मालिकेतून तो बाहेर पडला होता.
कोरोना महामारीच्या प्रभाव खेळावर झाल्यानंतर रोहित शर्मा दुखापतीमुळे, यूएई 2020 मध्ये मुंबई इंडियन्सला ट्रॉफीपर्यंत पोहचवण्यात अपयशी ठरला. परिणामी, शर्माला पांढरा चेंडूच्या सामन्याबरोबरच ऑस्ट्रेलियातील 2020/21 बॉर्डर गावस्कर ट्रॉफीच्या पहिल्या दोन कसोटी सामन्यांना मुकावे लागले (Rohit Sharma leaves Border Gavaskar Trophy) होते.
डिसेंबर 2021 मध्ये, शर्माला पांढऱ्या चेंडूचा कर्णधार म्हणून नियुक्त करण्यात आले आणि कसोटी क्रिकेटमध्ये उपकर्णधारपदी बढती देण्यात आली. पण 2021 मध्ये भारताचा कसोटीत सर्वाधिक धावा करणारा शर्मा, मुंबईतील नेट सत्रादरम्यान दुखापतीमुळे संपूर्ण दक्षिण आफ्रिका दौऱ्यातून बाहेर पडला.
शर्मा आता पूर्णपणे तंदुरुस्त असल्याने, तो रविवारी वेस्ट इंडिजविरुद्धच्या 1000व्या वनडेत भारताचे नेतृत्व करण्यासाठी सज्ज आहे. यासह एकदिवसीय क्रिकेटमध्ये अशी कामगिरी करणारा भारत हा जगातील पहिला संघ ठरणार आहे. अहमदाबादच्या नरेंद्र मोदी स्टेडियमवर एकदिवसीय सामन्यानंतर कोलकाताच्या ईडन गार्डन्सवर तीन टी-२० सामने खेळवले जातील.
