'मॅन व्हर्सेस वाईल्ड'मधील रजनीकांत यांची दमदार झलक, पाहा प्रोमो

'मॅन व्हर्सेस वाईल्ड'च्या या प्रोमोमध्ये रजनीकांत हे जंगलाच्या रस्त्यावर बाईक राईड करताना दिसणार आहेत. त्यामुळे त्यांचे हे साहसी दृश्य पाहण्याची उत्सुकता आता शिगेला पोहोचली आहे.

मुंबई - सुपरस्टार रजनीकांत हे लवकरच डिस्कव्हरी वाहिनीवरील लोकप्रिय असलेल्या 'मॅन व्हर्सेस वाईल्ड'च्या एका भागामध्ये बियर ग्रीलसोबत दिसणार आहेत. मागच्या वर्षी त्यांनी या भागाचे शूटिंगही पूर्ण केले. बियर ग्रील आणि रजनीकांत एकत्र जंगलसफारी करताना दिसणार असल्यामुळे चाहत्यांनाही या आगामी भागाची उत्सुकता आहे. नुकताच या कार्यक्रमाचा एक प्रोमो प्रदर्शित करण्यात आला आहे. या प्रोमोमध्ये रजनीकांत यांची दमदार झलक पाहायला मिळते.

• Gear up to venture into the wilderness of India with survival expert @BearGrylls and the ultimate superstar @Rajinikanth in an action packed adventure. Premieres 23 March at 8 PM, only on Discovery #ThalaivaOnDiscovery pic.twitter.com/zSS4GsSCL4

  — Discovery Channel IN (@DiscoveryIN) February 27, 2020 " class="align-text-top noRightClick twitterSection" data="

  Gear up to venture into the wilderness of India with survival expert @BearGrylls and the ultimate superstar @Rajinikanth in an action packed adventure. Premieres 23 March at 8 PM, only on Discovery #ThalaivaOnDiscovery pic.twitter.com/zSS4GsSCL4

  — Discovery Channel IN (@DiscoveryIN) February 27, 2020

  ">

  Gear up to venture into the wilderness of India with survival expert @BearGrylls and the ultimate superstar @Rajinikanth in an action packed adventure. Premieres 23 March at 8 PM, only on Discovery #ThalaivaOnDiscovery pic.twitter.com/zSS4GsSCL4

  — Discovery Channel IN (@DiscoveryIN) February 27, 2020

'मॅन व्हर्सेस वाईल्ड'च्या या प्रोमोमध्ये रजनीकांत हे जंगलाच्या रस्त्यावर बाईक राईड करताना दिसणार आहेत. त्यामुळे त्यांचे हे साहसी दृश्य पाहण्याची उत्सुकता आता शिगेला पोहोचली आहे. मात्र, त्यासाठी काही काळ प्रतीक्षा करावी लागणार आहे. कारण या कार्यक्रमाचा हा आगामी भाग २३ मार्च रोजी ८ वाजता प्रदर्शित करण्यात येणार आहे.

डिस्कव्हरी वाहिनीच्या ट्विटर हँडलवर हा प्रोमो शेअर करण्यात आला आहे. 'सज्ज व्हा तुम्हांला अनोख्या अनुभवाला सामोरं जायचं आहे, असे कॅप्शन या व्हिडिओवर देण्यात आले आहे. मागच्या वर्षी रजनीकांत आणि बियर ग्रील यांनी कर्नाटकच्या बंदीपूर येथील जंगलामध्ये या भागाचे शूटिंग पूर्ण केले होते.

वर्कफ्रंटबाबत सांगायचे तर, रजनीकांत यांचा 'दरबार' हा चित्रपट मागच्या वर्षी प्रदर्शित झाला. या चित्रपटाला नेहमीप्रमाणे चाहत्यांचा चांगला प्रतिसाद मिळाला. आता त्यांच्या आगामी चित्रपटाचीही घोषणा झाली आहे. 'अन्नाअथे' हा त्यांचा आगामी चित्रपट आहे. या चित्रपटाचे शीर्षक एका व्हिडिओद्वारे जाहीर करण्यात आले. या चित्रपटात त्यांच्यासोबत नयनताराची भूमिका पाहायला मिळणार आहे.