मुंबई - टीव्हीची लोकप्रिय अभिनेत्री मौनी रॉय तिच्या सौंदर्यामुळे खूप चर्चेत असते. अभिनेत्रीने नवीन वर्षाच्या सुट्टीतील तिचे बोल्ड फोटो देखील शेअर केले आहेत. गेल्या वर्षी अभिनेत्रीच्या लग्नाच्या बातम्यांनी खूप जोर पकडला होता. आता मात्र मौनीच्या लग्नाची निश्चित तारीख समोर आली आहे. परदेशातच नाही तर देशातच मौनी तिचा बॉयफ्रेंड सूरज नांबियार याच्याशी लग्न करणार आहे.
मीडिया रिपोर्ट्सनुसार, मौनी रॉय बॉयफ्रेंड सूरज नांबियारसोबत बऱ्याच दिवसांपासून डेट करत आहे. आता बातमी आहे की ती 27 जानेवारीला गोव्यात तिच्या बॉयफ्रेंडसोबत बीच वेडिंग करणार आहे. याआधी गोव्यात नाही तर दुबईत मौनी तिच्या बॉयफ्रेंडसोबत लग्न करणार असल्याच्या बातम्या येत होत्या. मीडियामध्ये आलेल्या बातम्यांनुसार, मौनी आता गोव्यात लग्न करणार आहे.
गोव्यात लग्नासाठी हॉटेल्सही बुक करण्यात आली असून पाहुण्यांनाही आमंत्रित करण्यात आल्याचे सांगण्यात येत आहे. रिपोर्ट्सनुसार, पाहुण्यांना लग्नाबद्दल काहीही बोलण्यास मनाई करण्यात आली आहे. यासोबतच लग्नातील पाहुण्यांना लसीकरण करून कोरोनाचा निगेटिव्ह रिपोर्ट आणण्यास सांगण्यात आले आहे. लग्न गोव्यातील वागातोर बीचवर आयोजित केले जाईल.
मौनी रॉयच्या म्हणण्यानुसार, लग्नाची पत्रिका चित्रपट निर्माता करण जोहर, एकता कपूर, फॅशन डिझायनर मनीष मल्होत्रा आणि आशिका गोराडिया यांच्या घरी गेली आहे आणि ते लग्नाचे निश्चित पाहुणे असल्याचे सांगितले जात आहे.
हेही वाचा - Arjun Malaika Breakup Rumours : 'अशा अफवांना जागा नाही'.. वाचा काय म्हणाला अर्जुन कपूर
