मुंबई - नुकतीच मानसी नाईक प्रियकर प्रदीप खरेरा सोबत विवाहबंधनात अडकली. मानसी उत्तम नर्तिका तर प्रदीप बॉक्सर आणि फिटनेस मॉडेल आहे. हे दोघे पहिल्यांदाच रोमँटिक अंदाजात पडद्यावर दिसणार आहेत ‘वाटेवरी मोगरा’ या म्युझिक व्हिडीओ मध्ये. सध्या सागरिका म्युझिकच्या ‘लव्ह सॉंग फेस्टिव्हल’ची सांगता होत असून यात वैशाली सामंत आणि स्वप्नील बांदोडकर आपले सुरेल गायन सादर करीत आहेत. निलेश मोहरीर यांनी "वाटेवरी मोगरा" या गाण्याची संगीतरचना केली असून श्रीपाद जोशी या प्रतिभावान गीतकाराने या गाण्याचे बोल लिहिले आहेत.
सागरिका म्युझिक सोबतच निलेशने आपल्या कारकिर्दीची सुरवात केली आहे तसेच वैशाली आणि स्वप्नीलअभिनेने सागरिका म्युझिकसाठी आतापर्यंत शंभराहून अधिक गाणी गायिली आहेत. या गाण्याच्या म्युझिक व्हिडिओचे दिग्दर्शन सागरिका दास यांनी केले आहे. त्यांनी आतापर्यंत पन्नासहून अधिक म्युझिक व्हिडिओंचे दिग्दर्शन केले आहे ज्यात हळू हळू चाल, सावली उन्हामध्ये, मस्त चाललंय आमचं, राधा राधा या सारख्या व्हिडिओज चा समावेश आहे.
गेल्या काही वर्षांमध्ये सागरीकाच्या अनेक व्हिडिओज मध्ये झळकलेली मानसी नाईक आता पूर्णपणे नवीन अवतारात "वाटेवरी मोगरा" मध्ये दिसणार आहे. मानसी नाईक चा आत्तापर्यंतचा हा पहिलाच रोमँटिक म्युझिक व्हिडिओ आहे. नवीनच लग्न झालेल्या मानसी सोबत तिचा नवरा प्रदीप खरेरा यात तिच्यासोबत असल्यामुळेच हा म्युझिक विडिओ अजूनच खास झाला आहे. यावर्षी १९ जानेवारीला मानसी ने प्रदीप खरेरा, आंतरराष्ट्रीय बॉक्सर आणि अभिनेता, याच्याशी लग्न केले आणि या म्युझिक व्हिडिओतून ते पहिल्यांदाच एकत्रित दिसणार आहेत.
निलेश मोहरीरचे सुमूधर संगीत, श्रीपाद जोशी यांचे सुंदर शब्द, वैशाली आणि स्वप्नीलचे अद्वितीय गायन, सोबत सागरिका दास यांनी दिग्दर्शित केलेला ग्लॅमरस म्युझिक विडिओ आणि मानसी-प्रदीपचा रोमँटिक परफॉर्मन्स ही या म्युझिक व्हिडिओची खास वैशिष्ट्यं आहेत जो १२ मार्चला सागरिका म्युझिकच्या मराठी यूट्यूब चॅनेलवर रिलीज झाला आहे.
हेही वाचा - मुंबई : कंगनासह चार जणांवर पुन्हा गुन्हा दाखल, वाचा...
