पिवळा रंग देवी लक्ष्मीचा प्रिय रंग आहे. पिवळा रंग बुद्धीच्या विकासाचा प्रतीक असल्यामुळे अभ्यास, एकाग्रता आणि मानसिक स्थिरतेसाठी फारच उत्तम आहे असे मानले जाते. पिवळा रंग हा मांगल्याचा, समृद्धीचा रंग आहे. आपल्या संस्कृतीमध्ये पिवळ्या रंगाच्या हळदीला मान असतो. आत्मविश्वास निर्माण करणारा हा रंग आपलं मनसुद्धा पवित्र करतो. हाच पिवळा रंग 'मन झालं बाजिंद' या नवीन मालिकेत प्रेमाचा रंग असणार आहे आणि याच पिवळ्या रंगाच्या साक्षीने राया-कृष्णाची, मालिकेतील प्रेमी जोडप्याची, प्रेमकहाणी फुलणार आहे.
- " class="align-text-top noRightClick twitterSection" data="
">
खरंतर मालिकांमध्ये प्रेमाचा रंग गुलाबी असल्याचे दर्शवीले जाते तसेच लाल गुलाबाची फुलंसुद्धा प्रेमात पसंत केली जातात. परंतु पहिल्यांदाच ‘मन झालं बाजिंद’ या मालिकेत राया आणि कृष्णाच्या प्रेमकथेत पिवळ्या रंगाची उधळण आपल्याला पहायला मिळणार आहे. या मालिकेचे दिग्दर्शन अनिकेत साने यांनी केलेले असून वाघोबा प्रॉडक्शन यांनी या मालिकेच्या निर्मीतीची धुरा सांभाळली आहे.
परंपरागत व्यवसायाला स्वतः कडील व्यवहार ज्ञानाने भरभराटीला नेणारा, माझं तुझं न करता प्रेमाची उधळण करणारा, त्याच्या कामाचा पसाराही मोठा आहे, असा बाजिंदा नायक मालिकेतला राया आहे. मामा-मामीच्या घरी फुलासारखी वाढलेली, सी.ए. होण्याचं स्वप्नं पाहणारी, हुशार, सावरून घेणारी, मांडणी करणारी, संयमी, विचार करून कृती करणारी अशी ही कृष्णा या मालिकेतील मुख्य नायिका आहे.
राया आणि कृष्णा यांच्या बेभान, बेधुंद प्रेमाची गोष्ट हळदीचा कारखाना, फुललेली शेती अशा गावाकडील पार्श्वभूमीवर खुलणार आहे. ‘मन झालं बाजिंद’ या मालिकेतून अभिनेता वैभव चव्हाण आणि अभिनेत्री श्वेता राजन हे दोघे पहिल्यांदाच मुख्य भूमिकेतून प्रेक्षकांना भेटणार आहेत.
हेही वाचा - Happy Birthday Sonu Sood : कठीण काळात गरजूंना मदतीचा हात पुढे करणारा अवलिया
