मुंबई - 90 च्या दशकातील सुपरहिट अभिनेत्री काजोल आज आपला 47 वा वाढदिवस साजरा करत आहे. काजोल तीन दशकांपासून फिल्म इंडस्ट्रीशी संबंधित आहे आणि या काळात तिने बॉलिवूडच्या जवळपास सर्व सुपरस्टारसोबत काम केले आहे. खूप कमी लोकांना माहीत असेल की अक्षय कुमारवर अनेक अभिनेत्री फिदा होत्या त्यापैकी एक काजोलदेखील होती.
काजोलने 1992 मध्ये 'बेखुदी' चित्रपटातून अभिनय क्षेत्रात पदार्पण केले. या चित्रपटात ती फक्त 16 वर्षांची होती. काजोल ही जुन्या काळातील प्रसिद्ध अभिनेत्री तनुजाची मोठी मुलगी आहे.
'बेखुदी' चित्रपटानंतर काजोल 'बाजीगर' चित्रपटात शाहरुख खान आणि शिल्पा शेट्टीसोबत दिसली होती. या चित्रपटाने काजोलला एका रात्रीत स्टार बनवले. काजोल प्रसिध्दीचा अनुभव घेत होती आणि याच काळात तिचे ह्रदय अक्षय कुमारसाठी धडधडू लागले होते.
अक्षय कुमार हा देखणा आणि उंच अभिनेत्यांपैकी एक आहे, त्याच्यावर अनेक मुली भाळत होत्या, त्यापैकी एक काजोल होती. ती अक्षयसाठी इतकी वेडी झाली होती की अक्षय ज्या पार्टीत असेल तिथे ती हजर व्हायची.
'द कपिल शर्मा शो' मध्ये, चित्रपट निर्माता आणि काजोलचा जवळचा मित्र करण जोहरने खुलासा केला की काजोलचे अक्षय कुमारवर खूप प्रेम होते. एका पार्टीत ती अक्षयला शोधत असताना ती करणशी धडकली होती.
- " class="align-text-top noRightClick twitterSection" data="">
करणने सांगितले की काजोलने त्याच्यासोबत अक्षय कुमारचा बराच शोध घेतला, पण अक्षय सापडला नाही पण करणसोबत काजोलची घट्ट मैत्री झाली.
याआधी करण आणि काजोलची भेट एका पार्टीत झाली होती, तिथे काजोलने करणच्या थ्री पीस सूटची खिल्ली उडवली होती. करणने सांगितले की काजोल त्याच्यावर इतकी हसली की त्याने पार्टी सोडून निघून गेला होता.
आपल्या माहिती करता सांगायचे तर काजोलने यशराज बॅनरखाली बनवलेल्या 'दिल्लगी' चित्रपटात अक्षय कुमारसोबत काम केले होते. चित्रपट हिट झाला नसला, तरी पण चित्रपटाची गाणी अजूनही हिट आहेत.
हेही वाचा - 'हनीमून'पासूनच 'हनी सिंग'ने मांडला होता छळ, शालिनीचा मोठा खुलासा
