मुंबई - अभिनेता सलमान खानला चित्रपटात आपण अनेकदा शर्ट लेस पाहिले आहे. त्याने शर्ट उतरवून आपले सौष्टव दाखवावे अशी प्रेक्षकांचीच इच्छा असायची. परंतु तो एका लग्नात केवळ गंजीवरच पोहोचला होता. राजकीय नेत्या बनलेल्या अभिनेत्री बिना काक यांच्या मुलीच्या लग्नात तो या वेशात अवतरला होता.
बिना काक यांनी 'छोटी वेडिंग'चे काही फोटो सोशल मीडियावर पोस्ट केले आहेत.
या फोटोमध्ये नऊ वर्षापूर्वीचा एक सलमानचा फोटो आहे. यात तो जीन्स, गॉगल, कॅपसह पांढऱ्या रंगाची गंजी परिधान केलेला दिसतो. मित्रांच्या गोतावळ्यात त्याचा हा अवतार सर्वांना चकित करणारा होता. यानंतर त्याने लग्न समारंभात शर्ट परिधान केला होता.
बिना काक यांनी सलमान खानसोबत अनेक चित्रपटात भूमिका केल्या आहेत. 'मैंने प्यार किया' आणि 'गॉड तुसी ग्रेट हो' या चित्रपटातील त्यांच्या भूमिका संस्मरणीय ठरल्या होत्या.
