मुंबई - विकी कौशलच्या ‘हाउज दि जोश’ या डायलॉगमुळे फक्त बॉक्स ऑफिसवरच नाही त्याच्या फॅनफॉलोविंगमध्येही वाढता जोश दिसून येतोय. २०१८ मध्ये संजू, मनमर्जिया आणि राजी फिल्म्सच्या यशामुळे अभिनेता विकी कौशल लोकप्रियतेच्या प्रकाशझोतात आला. पण २०१९ मधल्या उरी चित्रपटाने तर कमालच केली. विकी कौशल रातोरात स्टार झाला.
यंदा ११ जनवरीला रिलीज झालेला बॉलीवूडचा हा यावर्षीचा बॉक्स ऑफिसवर झळकलेला पहिला सिनेमा संपूर्ण महिनाभर बॉक्स ऑफिसवर आपली चांगली घोडदौड करत होता. याचा अर्थातच फायदा विकीच्या लोकप्रियतेत झाला. २०१९ च्या सुरूवातीला लोकप्रिय अभिनेत्यांच्या यादीत ३४ व्या स्थानी असलेला विकी आता ६ व्या स्थानावर पोहोचलाय.
स्कोर ट्रेंड्स इंडियाच्या गेल्या ४५ दिवसांच्या आकडेवारीवर नजर टाकल्यास दिसून येते की, ३ जानेवारी २०१९ ला विकी कौशल ३४ व्या स्थानावर होता. तर उरी चित्रपटाच्या रिलीजच्या आठवड्यात म्हणजेच १० जानेवरी ते १७ जानेवारीच्या आठवड्यात पांचव्या स्थानावर पोहोचला होता. ज्यानंतर त्याच्या लोकप्रियतेत बरेच उतार-चढाव दिसले. त्यानंतर पून्हा १४ फेब्रुवारीच्या आठवड्यात उरी सिनेमाला मिळालेल्या बॉक्स ऑफिस रिस्पॉन्समुळे विकी लोकप्रियतेत ६ व्या स्थानावर आला.
स्कोर ट्रेंड्स इंडियाचे सह संस्थापक अश्वनी कौल सांगतात, “विकीच्या नुकत्याच रिलीज झालेल्या उरी फिल्ममूळे त्याच्या यशात आणि चाहत्यांच्या प्रेमात एवढी वाढ झाली की, त्याच्याविषयी सोशल मीडिया प्लॅटफॉर्म, डिजीटल न्यूज आणि प्रिंट न्यूजमध्ये खूप लिहीलं आणि चर्चिलं जातं होतं. गेल्या वर्षी आलेल्या सिनेमांमूळे विकी कौशल एक चांगला अभिनेता आहे, हे सिध्द झालंच होतं. पण २०१९ वर्षाने विकीला स्टारपण बहाल केलं, असं म्हणावं लागेल. “
अश्वनी कौल पूढे सांगतात, "आम्ही 14 भारतीय भाषांमधील 600 हून अधिक बातम्यांच्या स्त्रोतातून डेटा गोळा करतो. यामध्ये फेसबुक, ट्विटर, मुद्रित प्रकाशने, सोशल मीडियावरील व्हायरल न्यूज, ब्रॉडकास्ट आणि डिजिटल प्लॅटफॉर्म यांचा समावेश आहे. विविध अत्याधुनिक एल्गोरिदममूळे आम्हाला या प्रचंड प्रमाणातील डेटावर प्रक्रिया करण्यास मदत होते. आणि आम्ही बॉलीवूड सेलिब्रिटींच्या स्कोर आणि रँकिंग पर्यंत पोहोचू शकतो.”
2
स्मिता तांबे सिने निर्मितीच्या क्षेत्रातकडे वळली आहे...सुपरनॅचरल थ्रिलर असलेल्या 'सावट' या भयपटाची निर्मिती तिने केलीय... २२ मार्चला हा चित्रपट रिलीज होईल....
अभिनेत्री ‘स्मिता तांबे करतेय ‘सावट’ चित्रपटाव्दारे निर्मिती क्षेत्रात पदार्पण
गेलं जवळ जवळ एक तप आपल्या सशक्त स्त्री व्यक्तिरेखांमूळे स्मिता तांबे सिनेरसिकांच्या मनावर अधिराज्य गाजवतेय. आता स्मिता तांबे एका महिला सशक्तीकरणावरच्याच फिल्मव्दारे निर्मिती क्षेत्रातही पदार्पण करतेय. सौरभ सिन्हा दिग्दर्शित सुपरनॅचरल थ्रिलर असलेल्या 'सावट' या सिनेमाची निर्मिती 'निरक्ष फिल्म्स' आणि 'लेटरल वर्क्स प्रा लि.' सोबतच स्मिता तांबेचे ‘रिंगींग रेन’ प्रॉडक्शन हाऊस करते आहे.
सावट सिनेमात इन्स्पेक्टर आदिती देशमुखच्या भूमिकेत असलेली स्मिता तांबे म्हणते, “उंबरठा आणि 'जैत रे जैत'च्या स्मिता पाटील ह्यांच्या भूमिका, 'एक होता विदुषक' सिनेमातली मधु कांबीकरांची भूमिका, स्मिता तळवलकरांची 'चौकट राजा'मधली भूमिका, 'उत्तरायण'मधली नीना कुलकर्णींची भूमिका या आणि अशा सशक्त स्त्री व्यक्तिरेखांनी कायम माझ्या मनावर गारूड केलंय. म्हणूनच असावं कदाचित मला अभिनय क्षेत्रात नेहमीच सशक्त महिलांच्याच भूमिका आकर्षित करत राहिल्यात. सीबीआय ऑफिसर आदिती देशमुखची भूमिकाही अशीच सशक्त, हुशार पोलिस अधिका-याची आहे.”
'सावट'मध्ये अभिनय करण्यासोबतच सिनेमाची निर्मिती करण्याविषयी विचारल्यावर स्मिता तांबे म्हणाली, “सौरभ फिल्म घेऊन आला तेव्हा मला चित्रपटाची कथा एवढी आवडली की, मी सिनेमात काम करण्यासोबतच या सिनेमाची निर्मिती करायचे ठरवले.”
जागतिक महिला दिन 8 मार्चला असतो. आणि त्याच महिन्यात सशक्त स्त्रीभूमिका साकारणा-या स्मिता तांबे महिला सबलीकरणावरच्या सिनेमाव्दारे निर्माती म्हणून पदार्पण करतेय. या योगायोगाविषयी स्मिता तांबेने सांगितलं की, “खरं तर, सिनेमाची रिलीज डेट ठरवताना, असं मुद्दामहून काहीच ठरवलं नव्हतं. पण त्यानंतर आता हा योगायोग लक्षात येतोय. ही खूप छान गोष्ट आहे की, एक सुपरनॅचरल थ्रिलर सिनेमातून महिला सबलीकरणाचा एक वेगळा विचार घेऊन येताना आम्ही तो मार्चमध्येच आणतोय.”
'रिंगीग रेन' आणि 'निरक्ष फिल्म'च्या सहयोगाने 'लेटरल वर्क्स प्रा.लि.'प्रस्तुत, स्मिता तांबे, हितेशा देशपांडे आणि शोभिता मांगलिक निर्मित, सौरभ सिन्हा दिग्दर्शित 'सावट' चित्रपटात श्वेतांबरी, मिलिंद शिरोळे, संजीवनी जाधव आणि स्मिता तांबे मुख्य भूमिकेत आहेत. हा चित्रपट २२ मार्च २०१९ ला संपूर्ण महाराष्ट्रात रिलीज होणार आहे.
