मुंबई - छोट्या पडद्यावरील लोकप्रिय 'तुझ्यात जीव रंगला' या मालिकेतील सर्व पात्र घराघरात लोकप्रिय झाले आहेत. 'अंजली बाई', 'राणा दा' यांच्या पात्रांसोबतच वहिनीसाहेब म्हणजे 'नंदिता'चं पात्रदेखील लोकप्रिय आहे. अभिनेत्री धनश्री काडगांवकर हिने नंदिताची भूमिकेला पुरेपुर न्याय दिला आहे. अभिनयासोबतच तिला डान्सचीही आवड आहे. सोशल मीडियावर तिने तिच्या डान्सची झलक दाखवून दिली आहे. तिचा हा व्हिडिओ सोशल मीडियावर तुफान व्हायरल होत आहे.
धनश्रीने नोरा फतेहीच्या 'दिलबर' गाण्यावर डान्स केला आहे. इन्स्टाग्रामवर तिने तिच्या डान्सचा व्हिडिओ शेअर केला आहे. त्यामुळे मालिकेत नकारात्मक भूमिकेत दिसणाऱ्या नंदिता वहिनीचा हा डान्स पाहून तुम्हीही थक्क व्हाल.
हा व्हिडिओ शेअर करून तिने कॅप्शनमध्ये लिहिलेय, की 'नृत्य हे नेहमीच माझे पॅशन राहिले आहे. सरावाने आपण त्यामध्ये परिपूर्ण होतो. ही तर, फक्त सुरुवात आहे'.
धनश्रीला अभिनय आणि डान्ससोबतच वेगवेगळ्या ठिकाणी फिरण्याचीही आवड आहे. तिचे सोशल मीडियावर बरेचसे फोटो तिने शेअर केले आहेत.
