मुंबई - ज्येष्ठ अभिनेत्री नफिसा अली ( Nafisa Ali ), पार्श्वगायक अरजित सिंग ( Arijit Singh) आणि आणखी चार शॉट्स प्लीज फेम मानवी गाग्रू ( Maanvi Gagroo ) यांना शनिवारी कोरोनाची लागण झाली आहे.
'मेजर साब', 'लाइफ इन अ मेट्रो', 'यमला पगला दीवाना' आणि 'साहेब बीवी और गँगस्टर 3' फेम अभिनेत्री नफीसा अलीने गोव्याच्या रुग्णालयातून इंस्टाग्रामवर स्वतःचा एक फोटो पोस्ट केला आहे. 'मला खूप ताप आला आहे. आणि घसा रक्तबंबाळ आहे. पण गोव्यातील माझी सुपर मेडिकल टीम चांगले काम करत आहे. काही दिवसांत सेल्फ-आयसोलेशनसाठी घरी परवानगी मिळेल' अशी आशा आहे, असेही त्यांनी सांगितले. #covidpositive" असे त्यांनी लिहिले आहे.
अरजित सिंगलाही कोरोना
अरजित सिंग यांनीही फेसबुकवर जाऊन लिहिले की, मी आणि पत्नी कोएल रॉय यांची कोविड-19 चाचणी पॉझिटिव्ह आली आहे. "मी आणि माझ्या पत्नीची कोविड पॉझिटिव्ह चाचणी झाली आहे. आम्ही सर्वजण पूर्णपणे ठीक आहोत आणि स्वतःला विलगीकरणात ठेवले आहे." असे पोस्ट त्याने केले.
मानवी गाग्रू आहे क्वारंटाईन
गाग्रूने तिच्या इन्स्टाग्रामवर कोरोना असल्याचे सांगितले. "तपासणी केल्याबद्दल सर्वांचे आभार. मला खूप सौम्य लक्षणे आहेत. पण धन्यवाद," अशा आशयाचे पोस्ट केले. चित्रपट निर्माते मधुर भांडारकर यांनीही कोविड-19 पॉझिटिव्ह चाचणी केली होती. बृहन्मुंबई महानगरपालिका (BMC) नुसार, मुंबईत शनिवारी गेल्या 24 तासात 20,318 प्रकरणे नोंदली गेली. शहरात कोविड-संबंधित 5 मृत्यू झाले आहेत.
हेही वाचा - Ramesh Babu Death : महेश बाबूंचे मोठे भाऊ रमेश बाबू यांचे निधन; दुपारी 1 वाजता होणार अंत्यसंस्कार
