मुंबई - अभिनेत्री क्रिती सेनॉन आज २९ वा वाढदिवस साजरा करत आहे. तिच्या वाढदिवसानिमित्त तिच्यावर कलाविश्वातून तसेच चाहत्यांचा शुभेच्छा वर्षाव होत आहे. क्रितीने तिच्या बहिणीसोबत तिच्या वाढदिवसाचे सेलिब्रेशन केले आहे. तिच्या या सेलिब्रेशनचे व्हिडिओ सोशल मीडियावर शेअर करण्यात आले आहेत.
क्रितीची बहीण नुपुर सेनॉन आणि दिग्दर्शक मुकेश छाबरा या दोघांनी तिच्या वाढदिवसाची पार्टी आयोजित केली होती. नुपुरनेही क्रितीचा एक व्हिडिओ शेअर करुन सोशल मीडियावर वाढदिवसाच्या शुभेच्छा दिल्या आहेत.
- " class="align-text-top noRightClick twitterSection" data="
">
मुकेश छाब्रा यांनी देखील क्रितीच्या वाढदिवसानिमित्त एक पोस्ट शेअर केली आहे.
- " class="align-text-top noRightClick twitterSection" data="
">
क्रितीने आजवर बऱ्याच चित्रपटांमध्ये उत्कृष्ट भूमिका साकारल्या आहेत. तिने अलिकडेच कार्तिक आर्यनसोबत 'लूकाछुपी' या चित्रपटात भूमिका साकारली होती. तर, दलजीत दोसांझसोबतही ती 'अर्जुन पटियाला' या चित्रपटातून प्रेक्षकांच्या भेटीला आली आहे. तिच्या या चित्रपटाला प्रेक्षकांचा चांगला प्रतिसाद मिळत आहे. पहिल्या दिवशी या चित्रपटाने १.२५ कोटीचा गल्ला जमवला आहे.
