लॉस एंजेलिस - बुलेट्स ओव्हर ब्रॉडवे चित्रपटातील कामगिरीबद्दल टोनी पुरस्कारासाठी नामांकित झालेला अभिनेता निक कॉर्डोरो याचा कोरोनाव्हायरसशी झालेल्या युद्धानंतर मृत्यू झाला आहे. त्याची पत्नी आणि फिटनेस प्रशिक्षक अमांडा क्लोट्स यांनी ही माहिती दिली. तो 41 वर्षांचा होता.
सुरुवातीला न्यूमोनियाच्या उपचारांसाठी सिडर्स-सिनाई मेडिकल सेंटरमध्ये अतिदक्षता विभागात निक कॉर्डोरो याला ठेवण्यात आले होते. त्यानंतर कोरोनासह अनेक आजारांची गुंतागुंत वाढली होती. यात त्याचा उजवा पाय कापण्यात आला होता. त्याचे फुफ्फुस प्रत्योरोपण करण्यात येणार होते.
निक कॉर्डोरोची पत्नी अमांडा क्लोट्स यांनी त्याच्या मृत्यूची बातमी इन्स्टाग्रामवरुन दिली आहे.
- " class="align-text-top noRightClick twitterSection" data="
">
“आता स्वर्गात देवाचा आणखी एक देवदूत आहे. माझ्या प्रिय नवऱ्याचे आज सकाळी निधन झाले. तो त्याच्या कुटूंबाच्या प्रेमात घेरला होता, गाणे गाऊन प्रार्थना करत असताना त्याने हळूच ही पृथ्वी सोडली,” असे अमांडा क्लोट्स यांनी म्हटले आहे.
मार्चपासून सोशल मीडियावर आपल्या पतीच्या तब्येतीची माहिती अद्ययावत करणार्‍या क्लोट्स म्हणाल्या की, तिचा नवरा ९५ दिवसांपासून कोरोना संक्रमणासह झगडत होता.
ब्रॉडवे ओव्हर ब्रॉडवेवर काम करत असताना आणि २०१७ मध्ये लग्न केलेले निक कॉर्डोरो आणि अमांडा क्लोट्स या जोडप्याला एक वर्षांचा एल्विस हा मुलगा आहे.
हेही वाचा - आज माझा मुलगा सुशांतचा आत्मा रडत आहे - सुशांतचे वडिल के के सिंह
"मला विश्वास बसत नाही आणि सर्वत्र वेदना होत आहेत. माझे मन तुटले आहे, मी त्याच्याशिवाय आपल्या जीवनाची कल्पना करू शकत नाही. निक प्रकाशमय होता. तो प्रत्येकाचा मित्र होता, ऐकणे, मदत करणे आणि विशेषतः त्याला बोलणे आवडत असे. तो एक अविश्वसनीय अभिनेता आणि संगीतकार होता. त्याला आपल्या कुटुंबावर खूप प्रेम होतं आणि तो एक चांगला वडील आणि पती होता. एल्व्हिस आणि मी दररोज मिस करीत आहे'', असे अमांडा क्लोट्स यांनी लिहिले आहे.
