VIDEO: 'बिग बी' बनले रॅपर, 'बदला'साठी गायलं खास गाणं

तापसी पन्नू आणि अमिताभ बच्चन यांच्या मुख्य भूमिका असलेल्या 'बदला' हा चित्रपट प्रदर्शनाच्या वाटेवर आहे. अलिकडेच या चित्रपटाचं नवं पोस्टर प्रदर्शित करण्यात आले आहे. आता या चित्रपटातील दुसरं गाणं 'औकात' हेदेखील रिलीज करण्यात आले आहे. विशेष म्हणजे हे एक रॅप गाणं आहे. अमिताभ बच्चन यांनीच हे रॅप गायलं आहे.

मुंबई - तापसी पन्नू आणि अमिताभ बच्चन यांच्या मुख्य भूमिका असलेल्या 'बदला' हा चित्रपट प्रदर्शनाच्या वाटेवर आहे. अलिकडेच या चित्रपटाचं नवं पोस्टर प्रदर्शित करण्यात आले आहे. आता या चित्रपटातील दुसरं गाणं 'औकात' हेदेखील रिलीज करण्यात आले आहे. विशेष म्हणजे हे एक रॅप गाणं आहे. अमिताभ बच्चन यांनीच हे रॅप गायलं आहे.

या गाण्याचा व्हिडिओ नुकताच सोशल मीडियावर शेअर करण्यात आला आहे. यात बिग बींचा रॅपरमधील अंदाज पाहायला मिळतो. यापूर्वी तापसी पन्नुवर चित्रीत झालेले 'क्यो रब्बा' हे गाणे प्रदर्शित करण्यात आले होते. हे गाणे अरमान मलिकने गायले आहे. या गाण्याला सोशल मीडियावर भरभरुन लाईक्स मिळाले. आता बिग बींच्या रॅप गाण्यालाही चाहत्यांचा चांगला प्रतिसाद मिळत आहे.

• " class="align-text-top noRightClick twitterSection" data="">

बदला' या चित्रपटाचे यापूर्वी तीन पोस्टर रिलीज करण्यात आले होते. अमिताभ आणि तापसी यांची छबी असलेल्या या तिन्ही पोस्टरवर ''माफ कर देना हर बार सही नही होता'' अशी ओळ होती. आता चौथ्या पोस्टरवरही याच ओळी पाहायला मिळत आहेत. बदलामध्ये प्रेक्षकांना दमदार संवाद, रहस्य आणि थ्रिलर पाहायला मिळणार आहे.या चित्रपटाचे दिग्दर्शन सुजय घोष यांनी केले आहे. या चित्रपटाची निर्मिती गौरी खान, सुनिर खेत्रपाल आणि अक्षय पुरी यांनी केली आहे. येत्या ८ मार्च रोजी हा चित्रपट रिलीज होणार आहे. आता तिकीट बारीवर हा चित्रपट आता काय कमाल दाखवतो, हे पाहणे औत्सुक्याचे ठरणार आहे.