मुंबई - मेगास्टार अमिताभ बच्चन यांनी आपली लाडकी नात आराध्या हिच्या वाढदिवसाला तिच्या फोटोंचा कोलाज शेअर केला आहे. आज आराध्याचा ९ वा वाढदिवस आहे. यानिमित्ताने तिचे नऊ फोटो असलेला कोलज बच्चन यांनी चाहत्यांसमोर ठेवला आहे. बच्चन यांच्या या पोस्टवर भरपूर प्रतिक्रिया मिळत आहेत.
नऊ वर्षाचे ९ फोटो
अमिताभ यांनी शेअर केलेल्या फोटोमध्ये तिच्या पहिल्या वाढदिवसापासून ते ती स्टार किड म्हणून वावरु लागली तिथपर्यंतचे फोटो या कोलाजसाठी निवडले आहेत. आराध्याचे हे निरागस फोटो पाहताना सर्वांनाच कौतुक वाटत आहे.
हेही वाचा - 'माशा अल्लाह' गाण्यावर बेली डान्स करतानाचा कॅटरिनाचा व्हिडिओ व्हायरल
अमिताभ यांनी आपल्या इन्स्टाग्रामवर हा फोटो पोस्ट केला आहे. फोटोला प्रेमळ कॅप्शन देत अमिताभ यांनी वाढदिवसाच्या शुभेच्छा आणि आशीर्वाद दिले आहेत.
अमिताभ बच्चन यांची नात असलेल्या आराध्याचा जन्म नऊ वर्षापूर्वी आज रोजी झाला होता. तिच्या आयुष्यात येण्याने ऐश्वर्या राय बच्चन आणि अभिषेक यांनी आनंद व्यक्त केला होता.
हेही वाचा - पारंपरिक ऑफ व्हाईट ड्रेसमध्ये अनुष्काने दाखवला 'प्रेग्नेंसी ग्लो'
