मुंबई - गल्ली बॉय चित्रपटाला प्रेक्षकांकडून भरघोस प्रतिसाद मिळाला होता. याचा सीक्वल येईल अशी अपेक्षा प्रेक्षकांना आहे. गल्ली बॉयच्या दिग्दर्शिका झोया अख्तर यांनी याबद्दल सुतोवाच केले आहे. क्रिटीक्स चॉईस अवॉर्ड सोहळ्यात त्या बोलत होत्या.
झोया म्हणाल्या, "तुमच्यासारख्या क्रिटीक्सनी चित्रपटाचे कौतुक केल्यानंतर बॉक्य ऑफिसवरही चांगला प्रतिसाद पाहायला मिळाला. ज्याच्यावर तुमचा भरोसा आहे अशा गोष्टी प्रमाणिकपणे, खरेपणाने केल्यानंतर जे काही घडते ते चांगलेच असते असे मला वाटते. तुम्ही अंतिम परिणामाकडे पाहिले पाहिजे. तुम्ही प्रक्रिया एन्जॉय केली पाहिजे."
गल्ली बॉयचे सीक्वल निघणार का असा प्रश्न विचारल्यावर झोयांनी प्रतिक्रिया दिली, "ते कधी घडते पाहूयात. ही एक चांगली सुरुवात आहे. आम्ही मेड इन हेवनच्या दुसऱ्या पर्वाची तयारी करीत आहेत. त्याचसोबत आम्ही आणखी एका दुसऱ्या शोवरही काम करीत आहोत. आम्ही दोन दिग्दर्शकांसोबत दोन सिनेमावरही काम करीत आहोत. शिवाय रिमा कागती यांच्यासोबत मी एक चित्रपटही करीत आहे."
झोया अख्तरसाठी २०१९ या वर्षाची सुरुवात विशेष ठरली आहे. गल्ली बॉय सिनेमा आणि मेड इन हेवन या वेब सिरीजला प्रचड य़श मिळाले आहे. मात्र गल्ली बॉयचा सीक्वल यावा ही अपेक्षा तमाम चाहते बाळगून आहेत.
