मुंबई (महाराष्ट्र) - ज्येष्ठ अभिनेता मिथुन चक्रवर्ती म्हणतो की, बप्पी लाहिरीसोबतची त्यांची पार्टनरशीप प्रतिष्ठित होती कारण बप्पीदांनी त्याचे नृत्य समजून घेतले आणि त्याची "हटके" शैली लक्षात घेऊन चार्टबस्टर संगीत तयार केले. वयाच्या ६९ व्या वर्षी निधन झालेल्या बप्पी लाहिरी यांचे स्मरण करताना मिथुन म्हणाला की एकत्र घालवलेल्या दिवसांपासून मला बप्पीदांची आठवण जपून ठेवायची आहे. एका मुलाखतीत चक्रवर्ती म्हणाला की, बप्पीदी हे एक कलाकार होते ज्यांना माझी कला खरोखरच समजली होती.
"सर्वात चांगली गोष्ट म्हणजे बप्पी दा यांना माझे नृत्य समजले. मी काहीतरी नवीन आणले-- डिस्को डान्सिंग, जे इतरांपासून वेगळे होते. बप्पी दादांना समजले की मी 'हटके' (वेगळा) नृत्य करतो आणि म्हणून त्यांनी त्यानुसार संगीत देणे सुरू केले. जेव्हा आम्ही एक झालो, तेव्हा आम्ही जबरदस्त हिट्स दिले."
मिथुन चक्रवर्तीचा स्टारडम असलेला 1979 चा सुरक्षा हा हिट चित्रपट होता. यातील बप्पी लाहिरी यांच्या गनमास्टर G9 ट्रॅकने मिथुनला लोकप्रियता मिळाली. नंतरच्या डिस्को डान्सर (1982), कसम पैदा करने वाले की आणि डान्स डान्स द्वारे मिथुन आणि बप्पीदा ही जोडी जबरदस्त ताकद बनली.
मिथुन चक्रवर्तीला एका डान्सिंग स्टारचा मान मिळाला होता. बप्पी लाहिरीने आय एम अ डिस्को डान्सर, जिमी जिमी जिमी आजा, याद आ रहा है, कम क्लोजर यांसारख्या गाण्यांनी मिथुनला खंबीरपणे पाठिंबा दिला होता. 71 मिथुनने सांगितले की, बप्पी लाहिरीबद्दलची सर्वात चांगली गोष्ट म्हणजे ते कोणत्याही अहंकाराशिवाय काम करत होते.
"बप्पी दा खूप मोकळे होते, तो अहंकार कमी करणारा माणूस होता. जर तुम्ही त्यांना सांगितले की, 'बप्पी दा मी एक गाणे ऐकले आहे, तुम्हाला ऐकायला आवडेल का? मला असेच गाणे हवे आहे', तर ते त्याच्यासाठी नेहमी खुले असायचे. जर त्यांना आवडले तर त्यावर ते काम सुरू करायचे. . हा सर्वात चांगला भाग होता, अन्यथा आम्ही इतर संगीत दिग्दर्शकांशी संपर्क साधण्यासही घाबरत असू, ते (सूचनांवर) कसे प्रतिक्रिया देतील या काळजीने आम्ही घाबरलेलो असायचो."
जेव्हा लाहिरी यांचे निधन झाले तेव्हा चाहत्यांनी सोशल मीडियावर या दोघांच्या गाण्यांची भरभरून वाहवा केली. 80 च्या दशकातील हिट गाण्यांची नव्या पिढीलाही त्यामुळे नवी ओळख झाली.
हेही वाचा - RIP Bappi Lahiri: भारतात डिस्को ट्यून आणणारे बप्पी लाहिरी
मिथुनने सांगितले की दीर्घकाळाच्या सहकाऱ्याने अखेरचा श्वास घेतला तेव्हा तो बंगळुरूमध्ये होता. परंतु या बातमीमुळे इतका दुःखी होता की बप्पीदाच्या आठवणीने तो गहिवरला होता.
"मी बंगळुरूमध्ये होतो (त्यांचे निधन झाले तेव्हा). मैं वो समय नहीं देखना चाहता था (मला त्यांना असे बघायचे नव्हते). मी बप्पीदांना जसे ओळखतो तशीच आठवण माझ्या मनात रहावी असे मला वाटले. बप्पी दा लक्षात ठेवायचे तर मला या स्थिती बघायचेही नाही कारण बप्पी दा कायम माझ्यासोबत राहतील, हीच माझी विचारसरणी आहे,” असे अभिनेता मिथुन म्हणाला.
"जेव्हा माझ्या वडिलांचे महामारीच्या काळात निधन झाले, तेव्हा मी येऊ शकलो नाही. मला त्यांना असे बघायचे नव्हते, आम्ही जसे होतो तशीच मला त्यांची आठवण ठेवायची होती. त्याचप्रमाणे आम्ही कसे बसायचो यासाठी मला बप्पी दाची आठवण करायची आहे. एकत्र गाणी बनवा, गाणी ऐका. मला फक्त त्यांच्यासोबतचे चांगले दिवस आठवायचे आहेत," असे तो पुढे म्हणाला.
"बप्पीदा फक्त डिस्कोपुरता मर्यादित राहू नये, ते एक प्रतिभाशाली संगीतकार होते. त्यांनी प्रत्येक नायक, प्रत्येक नायिका, प्रत्येक निर्मात्यासाठी हिट गाणी दिली. त्यांना कोणीही विसरू शकत नाही. ते एक होते आणि मला खात्री आहे की त्याचा आत्मा स्वर्गात असेल. त्यांची कायम आठवण येईल,” असे मिथुन पुढे म्हणाला.
मिथुन चक्रवर्ती सध्या प्राइम व्हिडीओच्या सायकोलॉजिकल थ्रिलर सीरिज 'बेस्टसेलर'मध्ये काम करत आहे. चित्रपट निर्माता सिद्धार्थ मल्होत्राच्या अल्केमी प्रोडक्शन LLP द्वारे समर्थित आणि मुकुल अभ्यंकर दिग्दर्शित, 'बेस्टसेलर'मध्ये श्रुती हासन, अर्जन बाजवा, गौहर खान, सत्यजीत दुबे आणि सोनाली कुलकर्णी यांच्याही भूमिका आहेत.
हेही वाचा - अलविदा बप्पीदा : बप्पी लाहिरी यांचा अंतिम प्रवास
