चित्रपटाबद्दल उत्सुकता वाढविणारा विद्या बालनच्या ‘शेरनी’चा टिझर झाला प्रदर्शित!

टी-सीरिज आणि ॲबंशिया एंटरटेनमेंट हे ‘शेरनी’साठी पुन्हा एकदा एकत्र आले आहेत. ‘शेरनी’ ही एक अपारंपरिक कथा असून यात विद्या बालन प्रथमच एका वन अधिकाऱ्याच्या भूमिकेत दिसणार असून यात मानव-पशु संघर्ष अनुभवायला मिळेल. हा चित्रपट डिजिटल प्लॅटफॉर्मवर प्रदर्शित होण्यासाठी सज्ज झाला आहे.

चित्रपटगृहे बंद असल्यामुळे अनेक निर्मात्यांनी पुन्हा ओटीटी प्लॅटफॉर्म्सवर आपले चित्रपट प्रदर्शित करायला सुरुवात केली आहे. विद्या बालनची प्रमुख भूमिका असलेला ‘शेरनी’ सुद्धा डिजिटल प्लॅटफॉर्मवर प्रदर्शित होण्यासाठी सज्ज झाला आहे. गेल्या आठवड्यातच चित्रपट निर्मात्यांनी या चित्रपटाचे पोस्टर प्रदर्शित केले होते. जवळजवळ एक वर्षानंतर विद्या बालनला चित्रपटात पाहण्यासाठी चाहते उत्सुक असताना निर्मात्यांनी टिजर रिलीज केला असून २ जूनला ट्रेलर रिलीज होणार असल्याची घोषणा केली आहे.

अनेक वर्षे एकत्रितपणे काम केल्यानंतर टी-सीरिज आणि ॲबंशिया एंटरटेनमेंट हे ‘शेरनी’साठी पुन्हा एकदा एकत्र आले आहेत. ‘शेरनी’ ही एक अपारंपरिक कथा असून यात विद्या बालन प्रथमच एका वन अधिकाऱ्याच्या भूमिकेत दिसणार असून यात मानव-पशु संघर्ष अनुभवायला मिळेल.

विद्या बालनच्या ‘शेरनी’चे पोस्टर

‘ऑस्कर’ साठी भारताकडून अधिकृत एंट्री असलेल्या ‘न्यूटन’ चे दिग्दर्शक अमित मसुरकर यांनी याचे दिग्दर्शन केले असून ‘शेरनी’ तील त्यांचे आणि अष्टपैलू अभिनेत्री विद्याच्या कॉम्बिनेशनकडे अख्या फिल्म इंडस्ट्रीचे लक्ष लागून राहिले आहे. शेरनी ही एक काल्पनिक कथा आहे जी आपल्याला मानव-पशु संघर्षाच्या जगात संतुलनासाठी प्रयत्न करणाऱ्या वन अधिकाऱ्याच्या प्रवासात बरोबर नेते. भूषण कुमार, कृष्ण कुमार, विक्रम मलहोत्रा आणि अमित मसुरकर निर्मित या चित्रपटामध्ये शरद सक्सेना, मुकुल चड्डा, विजय राज, इला अरुण, ब्रिजेंद्र काला आणि नीरज कबी यांचादेखील समावेश आहे. 'शेरनी' चा प्रीमियर या जून महिन्यात अमॅझॉन प्राइम व्हिडिओवर होणार आहे.

हेही वाचा - HBD आर माधवन : ''माझ्या एकतर्फी दुश्मनाला हॅप्पी बड्डे आणि लै लै लव''