मुंबई - अभिनेता विक्की कौशल हा माजी मिस वर्ल्ड मानुषी छिल्लरबरोबर यशराज फिल्म्स (वायआरएफ) निर्मित आगामी कॉमेडी चित्रपटासाठी एकत्र काम करीत आहे. चित्रपटाच्या शूटिंगसाठी कलाकारांनी मंगळवारी सकाळी मध्य प्रदेशातील माहेश्वरला प्रयाण केले.
मंगळवारी सकाळी विकी आणि मानुषी इंदूरकडे जाणाऱ्या विमानात चढण्यापूर्वी मुंबई विमानतळावर कॅमेऱ्यात कैद झाले. पुढील काही दिवस या टीमचे शूटिंग माहेश्वरमध्ये सुरू राहणार असल्याचे सांगितले जात आहे. या टीमने मुंबईत यापूर्वी शुटींगला सुरुवात केली होती.
विक्की आणि मानुषीचे काही रोमँटिक सीन्स आणि माहेश्वरची अनोख्या पार्श्वभूमीवर सुंदर आणि आकर्षक ठरतील, असे एका वेबलोइडने अहवालात म्हटले आहे.
विजय (विक्टर) कृष्ण आचार्य दिग्दर्शित हा चित्रपट यशराज फिल्म्ससोबतचा मानुषीचा दुसरा चित्रपट असेल. अक्षय कुमारसोबत तिचा पृथ्वीराज हा चित्रपट निर्माणाधिन आहे.
विकी कौशल अखेरीस भूत पार्ट वन: द हॉन्टेड शिप या हॉरर चित्रपटात दिसला होता. त्याच्याकडे शूजित सरकर यांचा सरदार उधम सिंग हा चित्रपट आहे. त्याबरोबरच फील्ड मार्शल सॅम मानेकशॉ बायोपिक आणि द इम्मोर्टल अश्वत्थामा या चित्रपटांचा समावेश आहे.
हेही वाचा - अनुभव सिन्हांच्या 'अनेक'मधील आयुष्मानचा लूक
