मुंबई - अभिनेता मिलान लूथरियाचा आगामी 'तडप' हा चित्रपट २४ सप्टेंबरला प्रदर्शित होणार असल्याची घोषणा करण्यात आली आहे. या चित्रपटातून अभिनेता सुनिल शेट्टीचा मुलगा अहान शेट्टी बॉलिवूडमध्ये पदार्पण करेल. यात त्याची जोडी अभिनेत्री तारा सुतारियासोबत आहे. रिलीजची तारीख आणि इतर तपशिलांबरोबरच चित्रपटाचे एक पोस्टरही प्रसिध्द करण्यात आले आहे.
नाडियाडवाला ग्रँडसन एन्टरटेन्मेंट या बॅनरखाली बनणारा 'तडप' हा चित्रपट तेलुगू हिट फिल्म 'आरएक्स १००' चा रिमेक आहे. मूळ चित्रपटात कार्तिकेय गुम्माकोंडा आणि पायल राजपूत यांच्या प्रमुख भूमिकेत होते.
नाडियाडवाला ग्रॅन्डसन एन्टरटेन्मेंटने चित्रपटाच्या प्रदर्शनाची तारीख आणि पहिले पोस्टर आपल्या अधिकृत ट्विटर पजवर शेअर केले आहे.
फॉक्स स्टार स्टुडिओद्वारे सादर होत असलेल्या 'तडप' या चित्रपटातून लेखक रजत अरोरा आणि मिलन लुथरिया पुन्हा एकदा दीर्घकाळानंतर एकत्र काम करीत आहेत. या दोघांनी 'वन्स अपॉन ए टाइम इन मुंबई', 'द डर्टी पिक्चर' आणि 'बादशाहो' या चित्रपटासाठी एकत्र काम केले आहे. चित्रपटाचे संगीत प्रीतम यांचे असेल.
हेही वाचा - हॅप्पी बर्थ डे टायगर श्रॉफ : बागी ते रॅम्बो पर्यंतचा अॅक्शन प्रवास
