मुंबई - बॉलिवूड अभिनेत्री सारा अली खानने तिच्या नाकाला दुखापत झाल्याचा व्हिडिओ शेअर केला आहे. तिच्या इन्स्टाग्राममधील पोस्टमध्ये तिच्या नाकाला जखम झालेली दिसत आहे परंतु दुखापतीमुळे तिने आपली विनोदबुध्दी हरवू दिलेली नाही.
अभिनेत्री सारा अली खानने तिच्या आई -वडिलांची आणि इब्राहिमची 'नाक काट दी मैने' म्हणत माफी मागितली. मंगळवारी साराने तिच्या इन्स्टाग्राम हँडलवर एक व्हिडिओ शेअर केला ज्यात ती तिचे नाक टिशूने झाकताना दिसत आहे. व्हिडिओ शेअर करताना साराने लिहिले, "सॉरी अम्मा अब्बा इग्गी 🙏🏻 नाक काट दी मैने".
व्हिडिओमध्ये, साराने ती कशामुळे जखमी झाले याचा खुलासा केलेला नाही. तिला ही जखम नेमकी कशामुळे झाली अशा प्रश्न तिला तिचे चाहते काळजीने विचारत आहेत.
चित्रपटाच्या पातळीवर विचार करता अलीकडे अभिनेता वरुण धवन सोबत ओटीटी-रिलीज झालेल्या 'कुली नंबर 1' चित्रपटात सारा दिसली होती. तिने आगामी ‘अतरंगी रे’ चित्रपटाच्या शूटिंगला सुरुवात केली आहे. या चित्रपटामध्ये अक्षय कुमार, धनुष आणि निमरत कौर यांची मुख्य भूमिका आहेत आणि दिग्दर्शन ए.आनंद एल. राय यांनी केले आहे. अतरंगी रे चित्रपट हिमांशु शर्मा यांनी लिहिला आहे. तसेच सारा अली आगामी ‘इमॉर्टल अश्वत्थामा’ या आदित्य धरच्या साय-फाय चित्रपटात विकी कौशलसोबत काम करणार आहे. यामध्ये तिचे काही अॅक्शन सीन्सही असल्याचे समजते.
हेही वाचा - हनी सिंगच्या विरोधात पत्नीने दाखल केला घरगुती हिंसा, मानसिक छळ केल्याचा दावा
