मुंबई - बॉलिवूड अभिनेत्री कंगना रणौतने नुकताच अभिनेता संजय दत्तसोबत एक फोटो ट्विट करुन त्याला शुभेच्छा दिल्याचा एक सुंदर संदेश शेअर केला आहे. कंगनाने ट्वीटमध्ये लिहिले आहे - संजय दत्त ज्या हैदराबादच्या हॉटेलमध्ये राहत होते, त्याच हॉटेलमध्ये मी थांबल्याचे मला समजताच, आज सकाळी संजू सरांना भेटायला गेले. त्यांच्या तब्येतीबद्दल विचारणा केली. मी त्यांना पूर्वीपेक्षा अधिक देखणे आणि निरोगी पाहिले, तेव्हा माझ्या आनंदाला पारावार राहिला नाही. मी नेहमीच तुम्हाला आरोग्यासाठी शुभेच्छा देते. कंगनाचे हे ट्विट सोशल मीडियावर मोठ्या प्रमाणात व्हायरल होत असून चाहते यावरही बरीच प्रतिक्रिया देत आहेत.
हेही वाचा - मी प्रवाहाच्या विरुद्ध जाऊन काम केले - आयुष्यमान खुराणा
कंगना रणौत सध्या तिच्या आगामी ‘थलायवी’ चित्रपटाच्या शेवटच्या शेड्युलसाठी हैदराबादमध्ये आहे. या दरम्यान तिने हॉटेलमध्ये अभिनेता संजय दत्तची भेट घेतली.
हेही वाचा - राजकुमार राव बनला परेश रावलसोबत 'शतरंज का खिलाडी'
विशेष म्हणजे, संजय दत्तला लँग कॅन्सर आहे आणि खुद्द संजय दत्तने ही माहिती आपल्या ट्विटद्वारे चाहत्यांशी शेअर केली होती. संजयने ११ ऑगस्ट रोजी एक ट्विट केले होते, ज्यात त्याने आपल्या चाहत्यांना सांगितले की आपण वैद्यकीय उपचारासाठी थोडा ब्रेक घेत आहोत. यानंतर २१ ऑक्टोबर रोजी संजयने कर्करोगाविरूद्धची लढाई जिंकल्याचे सांगितले. त्याने त्याच्या आगामी चित्रपटाच्या शूटिंगला सुरुवात केली आहे.
