मुंबई - १९९४ मध्ये प्रदर्शित झालेला अंदाज अपना अपना चित्रपट आजही अनेक प्रेक्षकांना आठवत असेल. आमिर आणि सलमान खानची मुख्य भूमिका असलेल्या या चित्रपटाला प्रेक्षकांनी अक्षरशः डोक्यावर घेतलं होतं. यानंतर आता या चित्रपटाचा सिक्वलही प्रेक्षकांच्या भेटीला येणार आहे.
अंदाज अपना अपनाच्या सिक्वलचे लेखक दिलीप शुक्ला यांनी नुकतंच एका माध्यमाला दिलेल्या मुलाखतीत या चित्रपटाच्या स्टारकास्टबद्दलची माहिती दिली आहे. त्यांनी दिलेल्या माहितीनुसार पहिल्या भागानंतर २५ वर्षांनी येणाऱ्या चित्रपटाच्या सिक्वलमध्येही सलमान आणि आमिरचीच वर्णी लागली आहे.
मात्र, या नव्या चित्रपटात या दोघांसोबतच इतरही तीन नवीन कलाकार असणार आहेत, ज्यांची नावं अद्याप गुलदस्त्यातच आहेत. चित्रपटाच्या सिक्वलमध्ये आता कोणत्या नव्या कलाकारांची वर्णी लागणार, हे पाहणं औत्सुक्याचं ठरणार आहे. आता या चित्रपटाची आमिर आणि सलमानचे चाहते आतुरतेने वाट पाहत आहेत.
