मुंबई - अभिनेता रणबीर कपूर आणि श्रद्धा कपूर यांच्या भूमिका असलेला व अद्याप शीर्षक ठरलेले नसलेला चित्रपट 2023 च्या प्रजासत्ताक दिनी रिलीज होणार होता. आता हा चित्रपट ८ मार्च २०२३ रोजी रिलीज होणार आहे. या चित्रपटाची घोषणा डिसेंबर 2019 मध्ये करण्यात आली होती. तथापि, कोविड-19 महामारीमुळे शूटिंग आणि त्याचे रिलीज पुढे ढकलले गेले. हा चित्रपट कथितपणे एक रोमँटिक-कॉमेडी आहे, 'प्यार का पंचनामा' फ्रँचायझी आणि 'सोनू के टीटू की स्वीटी'साठी प्रसिद्ध असलेले लव रंजन याचे दिग्दर्शन आणि निर्मीत करणार आहेत.
- " class="align-text-top noRightClick twitterSection" data="
">
लव फिल्म्सच्या अधिकृत ट्विटर अकाउंटने हे अपडेट पोस्ट केले आहे. "रणबीर कपूर आणि श्रद्धा कपूर यांचा समावेश असलेला लव रंजनचा शीर्षक नसलेला आगामीचित्रपट होळीच्या निमित्ताने, 8 मार्च 2023 रोजी सिनेमागृहात प्रदर्शित होईल!'' असे पोस्टमध्ये लिहिण्यात आले आहे.
2019 मध्ये जाहीर झालेल्या या चित्रपटाला यापूर्वी अनेकदा अडथळ्यांचा सामना करावा लागला आहे. लव रंजनच्या चित्रपटात रणबीर कपूर आणि श्रद्धा कपूर पहिल्यांदा एकत्र येणार आहेत. विशेष म्हणजे बोनी कपूर यात रणबीर कपूरच्या ऑन-स्क्रीन वडिलाची भूमिका साकारणार आहे. या चित्रपटात डिंपल कपाडियाचीही भूमिका असेल.
हेही वाचा - शाहरुख खानच्या 'पठाण' चित्रपटाची रिलीज तारीख ठरली, पाहा व्हिडिओ
