जयपूर - बॉलिवूड अभिनेत्री कॅटरिना कैफ आणि अभिनेता विकी कौशल लवकरच सवाई माधोपूर येथील हॉटेल सिक्स सेन्समध्ये विवाहबंधनात अडकणार आहेत. कॅटरिना कैफ आणि विकी कौशल यांचे लग्न चौथ का बरवरा येथील ऐतिहासिक रिसॉर्ट हॉटेल सिक्स सेन्समध्ये होणार आहे. कॅट विकीच्या लग्नात पाहुण्यांची येण्याची लगबग सुरू झाली आहे. कॅटरिना आणि विकी कौशल यांच्या कुटुंबातील सदस्य आणि इतर पाहुणे जयपूरला पोहोचू लागले आहेत.
कॅटरिना कैफची बहीण नताशा (Katrina sister Natasha reached Rajasthan) सोमवारी जयपूर विमानतळावर पोहोचली. ती जयपूर विमानतळावर पोहोचली जिथून ती बरवराला रवाना झाली. कॅटरिना आणि विकी कौशलचे लग्न ९ डिसेंबरला होणार आहे. 7 आणि 8 ऑक्टोबर रोजी लग्नाचा संगीत आणि मेहंदी सोहळा होणार असल्याचे सांगण्यात येत आहे.
कॅटरिना आणि विकी कौशल यांच्या कुटुंबातील सदस्यांचा आणि पाहुण्यांच्या आगमनाचा सिलसिला जारी आहे. जयपूर विमानतळावरून पाहुणे रस्त्याने चौथ का बरवरा येथे असलेल्या हॉटेलमध्ये पोहोचत आहेत. सूत्रांच्या माहितीनुसार लग्नात 120 पाहुणे उपस्थित असल्याची माहिती आहे (120 guests join Kat Vicky wedding).
लग्नाचे कार्यक्रम 10 डिसेंबरपर्यंत सुरू राहणार आहेत. संगीताचा कार्यक्रम ७ डिसेंबरला होणार असल्याचे सांगण्यात येत आहे. 8 डिसेंबरला मेहंदी सोहळा होणार आहे. मेहंदी की रसमसाठी वर्ल्ड फेमस सोजतच्या मेहंदीची ऑर्डर देण्यात आली आहे.
कॅटरिना आणि विकी कौशल 9 डिसेंबरला लग्न करणार आहेत. बिझनेस आणि राजकीय जगताशी निगडित सेलिब्रिटीही लग्नाला उपस्थित राहणार असल्याचे सांगण्यात येत आहे.
सवाई माधोपूरचे पोलीस आणि जिल्हा प्रशासन व्हीआयपी सुरक्षा व्यवस्थेबाबत सतर्क आहेत. पोलीस प्रशासन आणि जिल्हा प्रशासनाकडून सुरक्षा व्यवस्था वाढवण्यात आली आहे. सवाई माधोपूर येथील चौथ का बरवाडा येथील ऐतिहासिक किल्ल्याची निवड लग्नासाठी करण्यात आली आहे. ऐतिहासिक किल्ल्यात लग्नाची तयारी जोरात सुरू आहे. कॅटरिना आणि विकी कौशलच्या लग्नामुळे जवळपास 700 वर्ष जुना किल्ला चर्चेत आहे.
हेही वाचा - Vicky Katrina Leaves For Sawai Madhopur : विकी कौशल आणि कॅटरिना कैफ विवाहासाठी सवाई माधोपूरला रवाना
