मुंबई - बॉलिवूड स्टार्स आपापल्या स्टाइलमध्ये नवीन वर्ष साजरे करतात. कोरोना व्हायरसने गेल्या दोन वर्षातील सर्व सोलोब्रिशनवर पाणी फेरले आहे. असे असूनही बॉलिवूड स्टार्स आता सोशल मीडियावर खुलेपणाने नवीन वर्षाचा आनंद लुटताना दिसत आहेत. करीना कपूर खानने सोशल मीडियावर 2021 या वर्षासाठी एक फोटो शेअर करून 2021 या वर्षातील सर्वोत्तम प्रसंगाबद्दल सांगितले आहे.
करीना कपूर खानने तिच्या इंस्टाग्राम अकाऊंटवर या वर्षी जन्मलेल्या जहांगीर अली खान या दुसऱ्या मुलाचा फोटो शेअर केला आहे. या फोटोमध्ये जेह त्याच्या खोडकर स्टाईलमध्ये बसलेला दिसत आहे. हा फोटो शेअर करत करीनाने लिहिले की, 'जेहचे दोन दात 2021 वर्षातील सर्वोत्तम भाग आहेत, 31 डिसेंबर, माझ्या मुलाला नवीन वर्षासाठी आशीर्वाद'.
करीना कपूर खान नुकतीच कोरोनामधून बरी झाली आहे. कोरोना झाल्यानंतर ती १४ दिवस क्वारंटाईनमध्ये होती. क्वारंटाइन कालावधी पूर्ण झाल्यानंतर, करिना लगेचच पती आणि मुलांसह ख्रिसमस पार्टीचा आनंद घेण्यासाठी गेली आहे.
याआधी, करीना कपूर खानची सावत्र मुलगी सारा अली खान हिने देखील 2021 ला तिच्या खास शैलीत निरोप दिला आहे. सारा अली खानने एक व्हिडिओ शेअर केला आहे, ज्यामध्ये ती 2021 मध्ये जगलेला प्रत्येक क्षण दाखवत आहे.
हेही वाचा - कंगना रणौतच्या विरोधात आणखी एक तक्रार, जाणून घ्या काय आहे प्रकरण
