मुंबई - हे वर्ष जॅकलिन फर्नांडिस साठी खूप बिझी असणार आहे असं दिसतंय. ती सध्या एका पाठोपाठ एक चित्रपटांच्या सेट्स वर पोहोचतेय. तिच्या हातात चार-चार मोठे चित्रपट आहेत व काहींची बोलणी सुरु आहेत. आताच जॅकलिन फर्नांडिज राजस्थानच्या वाळवंटात पोहोचली, बच्चन पांडेच्या शूटसाठी.
बच्चन पांडे चे बाकीचे कलाकार जैसलमेरमध्ये आधीच दाखल झाले होते व चित्रपटाचे चित्रीकरण जोरात सुरु आहे. आता जॅकलिन फर्नांडीज आपले शूट शेड्यूल सुरू करण्यासाठी राजस्थानमध्ये दाखल झाली आहे. या चित्रपटासाठीचे जॅकलिनचे हे पहिलेच शूटिंग-शेड्युल आहे आणि आता ‘बच्चन पांडे’ च्या चित्रीकरणाला अजूनही वेग येईल असे बोलले जातेय. सोशल मीडियावर जॅकलिन फर्नांडीज च्या ‘जेट-सेटिंग’ ची सुद्धा चर्चा आहे. जॅकलिन फर्नांडीज तिच्या टीमसह पहाटेच्या विमानात बसली आणि राजस्थानला पोहोचली. या अभिनेत्रीने तिच्या सोशल मीडियावर यासंदर्भात एक पोस्ट टाकली आहे.
हेही वाचा - लूप लपेटा’मध्ये रोमँटिक शैलीत तापसी पन्नू आणि ताहिर राज भसीन!
