भारतीयांना शहीद भगत सिंग यांच्याबद्दल माहित असले तरी त्यांचा शिष्य सरदार उधम सिंग बद्दल पंजाब पलीकडे फारसे माहित नाहीये. याच सरदार उधम सिंगच्या जीवनावर आधारित एक चित्रपट येतोय ज्याचे नाव आहे, ‘सरदार उधम’ ज्यात विकी कौशल प्रमुख भूमिकेत आहे. त्यांचा गुरु म्हणजेच शहीद भगत सिंगच्या भूमिकेत अमोल पराशर आहे, हे विकीने नुकतेच समाज माध्यमांवर कळविले. अभिनेता अमोल पराशर याने चित्रपटात शहीद भगत सिंहची अविश्वसनीय भूमिका साकारताना, या क्रांतिकारकाला अत्यंत ईमानदारीने आणि आवेशपूर्ण पद्धतीने साकारले आहे, असे विकी म्हणाला.
- " class="align-text-top noRightClick twitterSection" data="">
गुरु आणि एक सच्चा मित्र शहीद भगत सिंह, सरदार उधम सिंह यांचे महत्वाचे सहयोगी आणि गुरुंपैकी एक होते. आता जेव्हा प्रेक्षक भारतीय स्वातंत्र्य लढ्याच्या शोधातील एक चित्तवेधक अध्याय उलगडण्यासाठी सज्ज झाला आहे. सोशल मीडिया कॅप्शनमध्ये विकी कौशलने लिहिले की: "माझा गुरु, मझा मित्र, माझा भाऊ...माझा भगत्या! सादर करीत आहे शहिद भगतसिंगच्या भूमिकेत अमोल पराशर. ही मैत्री आपण साकारतो., अमोल."
- " class="align-text-top noRightClick twitterSection" data="
">
या विषयावर जवळपास २१ वर्षे लेखक दिग्दर्शक सुजित सरकार रिसर्च करीत होते आणि ही कहाणी त्यांच्या हृदयाच्या अगदी जवळील आहे. रिसर्चनुसार, सरदार उधम सिंह यांनी ज्यावेळी भगत सिंह यांची भेट घेतली होती, त्याचवेळी ते अत्यंत भारावले होते, ज्यामुळे त्यांना भारताच्या स्वातंत्र्य लढ्यात अधिक प्रेरणा मिळाली. भगत सिंहांच्या क्रांतिकारी पदचिन्हांवर चालताना, सरदार उधम, त्यांच्या शक्तिशाली विश्वासार्हतेने खूपच प्रभावित झाले आणि स्वातंत्र्य लढ्यात तेवढ्याच जोष आणि आवेशाने लढले.
सुजित सरकार दिग्दर्शित, 'सरदार उधम' क्रांतिकारी स्वतंत्रता सेनानी सरदार उधम सिंह यांच्या कहाणीवर आधारित आहे. हा चित्रपट दसऱ्याच्या दरम्यान प्रदर्शित होण्यास सज्ज आहे. ‘सरदार उधम’ अमेझॉन प्राईम व्हिडिओवर १६ ऑक्टोबर २०२१ पासून भारत आणि २४० देशांमध्ये स्ट्रीम करण्यात येणार आहे.
हेही वाचा - ह्रतिक रोशनने आर्यन खानबद्दल पोस्ट लिहिताच कंगना म्हणते, "आता सर्व माफिया पप्पू ..."
