मुंबई - हृतिक रोशनसोबतच्या तिच्या जुन्या नात्यावर ट्वीट केल्याबद्दल कंगना रनौत हिला ह्रतिकच्या चाहत्यांच्या टीकेचा सामना करावा लागला. याचा परिणाम असा झाला, की दिवसभर हृतिक ट्विटरवर ट्रेंड करत राहिला. आदल्या दिवशी म्हणजेच गुरुवारी कंगनाने दिवंगत अभिनेता सुशांतसिंग राजपूत आणि सारा अली खान यांच्यातील संबंधांबद्दलचे ट्विट केले होते.
कंगनाने आपल्या ट्विटमध्ये लिहिले आहे की, “सर्व माध्यमात एसएसआर आणि साराच्या अफेअरच्या बातम्या आल्या होत्या, ते उघडपणे ते बाहेरही एक रुम शेअर करीत होते. फॅन्सी नेपोटिझ्मची ही मुले का कमजोर बाहेरच्या लोकांना स्वप्ने दाखवतात आणि मग ती जाहीरपणे फसवणूक का करतात? यानंतर तर उघड आहे की, सुशांत एका गिधाडाच्या ताब्यात सापडला होता.''
तिच्या ट्वीटवरून युजर्सना समजले की, 'फॅन्सी नेपोटिझम किड' हे शब्द सारा अली खानच्या संदर्भात आहेत आणि 'गिधाड' म्हणत ती सुशांतची मैत्रीण असलेल्या रिया चक्रवर्तीचा उल्लेख करत आहे.
ट्विटवर भाष्य करताना एका युजरने लिहिले की, “केदारनाथ” च्या प्रमोशनच्या काळापासून मी असे म्हणत आलोय की हे दोघे एकमेकांच्या प्रेमात वेड्यात आहेत, पण कोणीही माझ्यावर विश्वास ठेवला नाही. जेव्हा साराने त्याला अचानक सोडले तेव्हा सुशांतने तिला अनफॉलो करीत आपल्या इन्स्टाग्रामवरुन डिलीट केले. या वाक्याने तो खूप प्रभावित झाला होता."
आता या ट्विटला उत्तर देताना कंगनाने लिहिले की, "मला वाटतं सारादेखील त्याच्यावर प्रेम करीत असावी कारण तो इतका मुर्ख नव्हता की ज्याच्याबद्दल ओढ नाही अशा व्यक्तीसोबत प्रेमात पडू शकेल. एकेकाळी माझेही ह्रतिकशी असेच नाते होते, यात मला काही शंका नाही. परंतु त्या गोष्टी अचानक कशा बदलल्या हे आजही माझ्यासाठी रहस्यच आहे.''
हेही वाचा - 'सारा अली खानसोबत रिलेशनमध्ये होता सुशांत'; सॅम्युएल होकीपचा दावा
तथापि, कंगनाची ही गोष्ट ह्रतिकच्या चाहत्यांना आवडली नाही आणि लोकांनी तिला आडव्या हाताने चांगलेच घेतले. काहींनी म्हटले की ह्रतिकसोबतचे तिचे फोटो हे फोटोशॉप्ड आहेत. एका युजरने असाच फोटो शेअर करीत लिहिले, ''तुझ्या मेंदूत ह्रतिकला फोटोशॉप करणे बंद कर, जसे की खोटेपणा सिध्द करण्यासाठी या फोटोत तू केले आहेस. ह्रतिक तुझे नावही घेत नाही आणि ह्रतिकने नाव घेतल्याशिवाय तुला अन्न पचत नाही."
एकाने लिहिले, " अच्छा, खरंच! स्वप्नाच्या दुनियेतून तू बाहेर ये...कमीत कमी एकदा ह्रतिकचे नाव न घेता आपले म्हणणे सिध्द करुन दाखव...कठिण आहे."
