मुंबई - आदित्य रॉय कपूर आणि दिशा पटानी ही जोडी लवकरच स्क्रीन शेअर करताना दिसणार आहे. 'मलंग' चित्रपटातून दोघेही प्रेक्षकांच्या भेटीला येणार आहेत. 'आशिकी २' चित्रपटाचे दिग्दर्शक मोहित सुरी या चित्रपटाचे दिग्दर्शन करणार आहेत. आता दिशाने या चित्रपटाच्या सेटवरील आदित्यसोबतचा एक फोटो आपल्या इन्स्टाग्राम अकाऊंटवरून शेअर केला आहे.
'ट्रेनिंग फॉर समथिंग स्पेशल' असे कॅप्शन देत दिशाने हा फोटो शेअर केला आहे. दरम्यान हा एक रोमँटिक अॅक्शन चित्रपट असल्याचे म्हटले जात आहे. आदित्य या चित्रपटाच्या निमित्ताने पहिल्यांदाच अॅक्शन हिरोची भूमिका साकारणार असल्याने या चित्रपटासाठी उत्सुक असल्याचे त्याने म्हटले आहे.
'मलंग' चित्रपटाची निर्मिती भूषण कुमार, लव रंजन, अंकुर गार्ग आणि जय शेवक्रामणी हे करणार आहेत. याशिवाय दिशा लवकरच 'भारत' चित्रपटातून प्रेक्षकांच्या भेटीला येणार आहे. तर आदित्यही 'सडक २' चित्रपटात झळकणार आहे. २०२० मध्ये १४ फेब्रुवारीला 'मलंग' चित्रपट प्रेक्षकांच्या भेटीला येणार आहे.
