मुंबई - बॉलिवूड अभिनेत्री दीपिका पदुकोण तिच्या नुकत्याच प्रदर्शित झालेल्या 'गहराइयाँ' या चित्रपटामुळे चर्चेत आहे. या चित्रपटाचे दिग्दर्शन शकुन बत्रा यांनी केले असून या चित्रपटातील दीपिकाच्या व्यक्तिरेखेचे खूप कौतुक होत आहे. हा चित्रपट प्रेक्षकांना आवडला आणि त्या बदल्यात चित्रपटाच्या संपूर्ण टीमने सक्सेस पार्टी साजरी केली. दरम्यान एका मुलाखतीदरम्यान दीपिकाने एक धक्कादायक खुलासा केला आहे. दीपिका म्हणाली की तिला तिच्या आयुष्यात लोकांकडून चांगले आणि वाईट दोन्ही सल्ले मिळाले आहेत आणि सर्वात वाईट सल्ला तिला वयाच्या १८ व्या वर्षी मिळाला होता.
या मुलाखतीत दीपिका पदुकोणला विचारण्यात आले की, तिला आतापर्यंत मिळालेला सर्वात चांगला आणि वाईट सल्ला कोणता आहे. दीपिका म्हणाली, 'मला सर्वात चांगला सल्ला शाहरुख खानकडून मिळाला आणि मला त्याच्याकडून खूप काही शिकायला मिळाले. त्याने मला सांगितले की, नेहमी तुम्हाला जी व्यक्ती आवडते त्याच्यासोबत काम करा, कारण जेव्हा तुम्ही एखादा चित्रपट बनवता तेव्हा तुम्ही आयुष्यही जगत असता. त्या काळात तुम्ही काही आठवणीही जपता आणि खूप काही अनुभवता.'
दुसरीकडे, वाईट सल्ल्याबद्दल दीपिका म्हणाली, 'मला सर्वात वाईट सल्ला ब्रेस्ट इम्प्लांटबद्दल मिळाला होता, जेव्हा मी फक्त 18 वर्षांची होते. तेव्हा मला आश्चर्य वाटले की मी ही गोष्ट कधीच गांभीर्याने का घेतली नाही'.
दीपिकाच्या फिल्मी करिअरबद्दल बोलायचे झाले तर तिने २००७ मध्ये ओम शांती ओम या चित्रपटातून पदार्पण केले होते. तिने शाहरुख खानसोबत चित्रपटांमध्ये पदार्पण केले. त्यावेळी दीपिकाचे वय २१ वर्षे होते. दीपिकाने तिच्या करिअरमध्ये अनेक हिट चित्रपटांमध्ये काम केले आहे, ज्यात 'ये जवानी है दिवानी', 'चेन्नई एक्सप्रेस', 'हॅपी न्यू इयर', 'बाजीराव मस्तानी' आणि 'रामलीला' यांसारख्या सुपरहिट चित्रपटांचा समावेश आहे.
हेही वाचा - Lock Upp Plagiarism Row: कंगना, एकताला मोठा दिलासा; न्यायालयाने शोवरील स्थगिती केली रद्द
