मुंबईः अभिनेत्री जॅकलिन फर्नांडिज 11 ऑगस्ट रोजी आपला 35 वा वाढदिवस साजरा करीत आहे. श्रीलंकन ब्युटी जॅकलिनच्या चाहत्यांची संख्या श्रीलंकेतही भारताइतकीच प्रचंड मोठी आहे. 2006 साली जॅकलिनने मिस श्रीलंका युनिव्हर्सचे विजेतेपद जिंकले आहे. चित्रपटात दिसण्यापूर्वी जॅकलिन मॉडेलिंग देखील करायची. जॅकलिन बर्‍याच रॅम्प शोमध्ये दिसली आहे.
- " class="align-text-top noRightClick twitterSection" data="
">
सुरुवातीपासूनच जॅकलिनचा अभिनय आणि चित्रपटांकडे कल होता. वयाच्या १४ व्या वर्षी तिने बहारीनमध्ये एका कार्यक्रमाचे आयोजन केले होते. जॅकलीनने सिडनी विद्यापीठातून मास कम्युनिकेशनमध्ये पदवी प्राप्त केली. शिक्षण संपल्यानंतर तिने श्रीलंकेत टीव्ही रिपोर्टर म्हणून काम करण्यास सुरवात केली. त्यानंतर तिने मॉडेलिंगला सुरुवात केली.
- " class="align-text-top noRightClick twitterSection" data="
">
२००९ मध्ये ती मॉडेलिंगच्या असाईनमेंटच्या संदर्भात भारतात आली. येथे आल्यावर, जॅकलिनने दिग्दर्शक सुजॉय घोष यांच्या 'अलादीन' या कल्पनारम्य चित्रपटासाठी ऑडिशन दिली आणि तिची निवड झाली. हा तिचा पहिला चित्रपट होता. या चित्रपटासाठी जॅकलिन फर्नांडिज यांना २०१० मध्ये आयफाचा सर्वोत्कृष्ट महिला पदार्पण आणि स्टारडस्ट पुरस्काराने गौरविण्यात आले होते.
- " class="align-text-top noRightClick twitterSection" data="
">
बॉलिवूडमध्ये काम करण्यासाठी जॅकलिन हिंदी शिकली. याशिवाय तिला स्पॅनिश, फ्रेंच आणि अरबी भाषा माहित आहेत. जॅकलिनचा पहिला हिट चित्रपट मर्डर 2 (२०११) होता, त्यानंतर ती इंडस्ट्रीमध्ये परिचीत झाली. 'मर्डर 2' च्या यशानंतर पुढच्या वर्षी जॅकलिनचे 'हाऊसफुल 2' (२०१२) आणि 'रेस 3' (२०१३) हे चित्रपट आले. याशिवाय जॅकलिन २०१४ मध्ये सलमान खानसमवेत 'किक' चित्रपटात दिसली होती.
असे म्हणतात की 'किक' च्या यशानंतर सलमान खानने तिला वांद्रे येथील 3 बीएचके फ्लॅट भेट दिला. तसेच 'हाऊसफुल' चित्रपटातील 'धन्नो', 'रमैया वास्तवैया' मधील 'जादू की झप्पी', 'बागी 2' मधील 'एक दो तीन' किंवा 'साहो' चित्रपटातील का 'बॅड बॉय'...जॅकलिनने प्रत्येक गाण्याला आपल्या उपस्थितीने चार चाँद लावले. तिच्या चित्रपट कारकीर्दी व्यतिरिक्त, जॅकलिन टीव्ही रिअॅलिटी शो 'झलक दिखला जा'च्या नवव्या पर्वात परीक्षक बनली होती.
याशिवाय सध्या जॅकलिन एका म्युझिक अल्बममध्येही काम करत आहे. अलीकडेच बादशाहच्या 'गेंदा फूल' गाण्यात ती बंगाली बाला म्हणून दिसली. हे गाणे प्रेक्षकांना खूप आवडले.
याशिवाय असीम रियाझसोबत तिचे 'मेरे अंगणे मी' हे गाणेही खूप आवडले तर लॉकडाऊन दरम्यान सलमान खानसोबतचे तिचे 'तेरे बीना' गाण्याने जोरदार प्रसिध्दी मिळवली. २०१९ मध्ये रिलीज झालेल्या करण जोहर दिग्दर्शित 'ड्राइव' या चित्रपटात ती दिवंगत अभिनेता सुशांतसिंग राजपूतची नायिका आहे. हा चित्रपट नेटफ्लिक्सवर ऑनलाईन प्रदर्शित झाला.
या वर्षी तिचा नेटफ्लिक्सवर मिसेस सीरियल किलर हा आणखी एक चित्रपट प्रदर्शित झाला. हा चित्रपटदेखील प्रेक्षकांच्या पसंतीस उतरला होता.
आगामी प्रोजेक्टबद्दल बोलायचे झाले तर जॅकलिन लवकरच अभिनेता जॉन अब्राहम आणि रकुल प्रीत यांच्यासोबत ‘अटॅक’ चित्रपटात दिसणार आहे.
