मुंबई - 'बधाई दो' मध्ये अष्टपैलू अभिनेता राजकुमार राव आणि चतुरस्त्र अभिनेत्री भूमी पेडणेकर पहिल्यांदाच एकत्र काम करीत असल्यामुळे प्रेक्षकांच्या या सिनेमाप्रती अपेक्षा वाढल्या आहेत. हा एक कौटुंबिक ड्रामा असून मनोरंजनाने खचाखच भरलेला आहे. चित्रपटात इतर महत्त्वाच्या भूमिकांत सीमा पाहवा, शीबा चड्ढा, लवलीन मिश्रा, नितीश पांडे आणि शशी भूषण यांसारख्या दिग्गज कलाकारांचा देखील समावेश आहे.
बंदी टोट गाणे
‘बंदि टोट' या गाण्याचे बोल मजेदार आणि मनोरंजक असून ते अंकित तिवारी आणि निकिता गांधी यांनी गायले आहे, जे ‘बधाई दो’ च्या ट्रेलरमध्ये देखील दिसले. हा ट्रॅक अशा टप्प्यावर येतो जिथे भूमी पेडणेकरची जोडीदार 'मिस्ट्री गर्ल', चुम दरंग, नवविवाहित जोडप्याच्या आयुष्यात रहस्यमयरित्या प्रवेश करते. जंगली पिक्चर्स निर्मित 'बधाई दो' चे दिग्दर्शन मराठमोळ्या हर्षवर्धन कुलकर्णी यांनी केले आहे. याची कथा अक्षत घिल्डियाल आणि सुमन अधिकारी यांनी लिहिली आहे. हा चित्रपट झी स्टुडिओजद्वारे जगभरात वितरित केला गेला आहे.
हेही वाचा - वाढदिवसानिमित्त ३०० मुलांना खाऊ वाटप केल्याचे पाहून नोरा फतेहीच्या डोळ्यात आनंदाश्रू
