मुंबई - सुशांतसिंग राजपूत याला काही काळासाठी डेटिंग करणारी अभिनेत्री अंकिता लोखंडे हिने सोशल मीडियावरुन सुशांतच्या परिवाराने अभिनेत्री रिया चक्रवर्तीच्या विरोधात एफआयआर दाखल केल्याच्या एका दिवसानंतर एक गुप्त पोस्ट शेअर केली आहे. अंकिताने पोस्ट केलेल्या फोटोच्या कॅप्शनमध्ये लिहिलंय, 'सत्याचा विजय होतो'.
सुशांत आणि अंकिताचे प्रेमप्रकरण सहावर्षे सुरू होते. एकता कपूरच्या पवित्र रिश्ताच्या सेटवर दोघांची ओळख झाली होती. सुशांतच्या मृत्यूनंतर अंकिताने एक महिन्यांनी त्याच्या आठवणी जागवणारी पोस्ट लिहिली होती. आपल्या इन्स्टाग्रामवर एक दिव्याचा फोटो शेअर करीत तिने 'चाईल्ड ऑफ गॉड' असे कॅप्शनमध्ये लिहिले होते.
- " class="align-text-top noRightClick twitterSection" data="
">
मंगळवारी सुशांतसिंहचे वडिल के के सिंह यांनी पाटण्याच्या राजीव नगर पोलिस ठाण्यात एफआयआर दाखल केली. यात त्यांनी सुसांतच्या आत्महत्येला रिया चक्रवर्ती जबाबदार असल्याचे म्हटले आहे. सुशांतच्या मृत्यू प्रकरणाला यामुळे नाट्यमय वळण मिळाले आहे. या प्रकरणी आता बिहार पोलीस रियाची चौकशी करण्यासाठी मुंबईत दाखल झाले आहेत.
पोलिसात दाखल केलेल्या तक्रारीमध्ये सुशांतच्या वडिलांनी म्हटलंय की, ''माझा मुलगा मे २०१९ पर्यंत बॉलिवूडमध्ये चांगले काम करीत होता. रिया चक्रवर्ती आणि तिच्या कुटुंबियांनी त्याच्याशी संपर्क साधला आणि त्याच्या संपर्काचा वापर फिल्म इंडस्ट्रीत करियर करण्यासाठी सुरू केला.''
"तिने तिच्या कुटुंबातील इंद्रजित चक्रवर्ती, संध्या चक्रवर्ती आणि शौविक चक्रवर्ती या सदस्यांसह, माझ्या मुलाच्या जीवनात हस्तक्षेप करण्यास सुरवात केली. त्यांनी सुशांतला घरात विचित्र गोष्टी असल्याचे सांगत घर सोडण्यासही भाग पाडले होते. याचा माझ्या मुलाच्या मनावर विपरित परिणाम झाला. त्यानंतर त्यांनी माझ्या मुलाला विमानतळाजवळील रिसॉर्टमध्ये राहायला भाग पाडले,'' असे त्यांनी तक्रारीत म्हटले आहे.
हेही वाचा - सुशांतसिंह आत्महत्या प्रकरण : रिया चक्रवर्तीची पाटण्यातही होऊ शकते चौकशी?
सुशांतच्या बँक खात्यातून 15 कोटी रुपये सुशांतचा कोणत्याही प्रकारे संबंध नसलेल्या अन्य बँक खात्यांकडे वर्ग करण्यात आल्याचे त्यांनी एफआयआरमध्ये नमूद केले आहे.
त्यांनी रिया आणि तिच्या कुटुंबातील सदस्यांवर सुशांतचा लॅपटॉप, रोख रक्कम, दागिने, पिन क्रमांकासह क्रेडिट कार्ड चोरुन नेण्याचे तसेच सुशांतला त्याचे वैद्यकीय अहवाल सार्वजनिक करण्याची धमकी दिल्याचा आरोप केला आहे.
हेही वाचा - सुशांतसिंगच्या कंपन्यांमध्ये रिया आणि तिच्या भावाने अनियमितता केल्याची शक्यता -बिहार पोलिसांचा तपास
सुशांतवर कोणते वैदकिय उपचार सुरू होते आणि तो कोणती औषधे घेत होता हे उशीरा जाणून घेण्याचा प्रयत्न सुशांतच्या वडिलांनी केला. रियासोबत कट रचणाऱ्या त्या संशयित डॉक्टरचीही चौकशी व्हावी, अशी मागणी सुशांतच्या वडिलांनी केली आहे.
14 जून रोजी सुशांत मुंबईतील त्याच्या निवासस्थानी लटकलेला आढळला. पोस्टमॉर्टम अहवालात त्याने आत्महत्या केल्याचे स्पष्ट झाले होते.
