मुंबई - बॉलिवूडची दिग्गज अभिनेत्री डिंपल कपाडिया हॉलिवूड चित्रपट निर्माता दिग्दर्शक ख्रिस्तोफर नोलन यांच्या ‘टेनेट’ या नव्या चित्रपटात महत्त्वपूर्ण भूमिका साकारणार आहे. डिंपलचा जावई आणि बॉलिवूड सुपरस्टार अक्षय कुमारने आपल्या इंस्टाग्राम अकाउंटवर क्रिस्तोफर नोलन यांनी स्वतःच्या हस्ताक्षरातील डिंपल यांना लिहिलेली चिठ्ठी शेअर केली आहे.
चिठ्ठीत असे लिहिले आहे: "डिंपल, मी काय बोलू? तुमच्यासोबत काम करणे आनंदाची गोष्ट आहे. प्रियाच्या व्यक्तीरेखेमध्ये प्राण फुंकताना पाहण्याचा अनुभव विलक्षण होता. तुमचे महान कौशल्य, खडतर मेहनत आणि टेनेटमध्ये दाखवलेल्या प्रतिभेबद्दल धन्यवाद. शुभेच्छा.''
हेही वाचा - अभिनेता म्हणून लोकांपर्यंत पोहोचतो तेव्हा जबाबदारीची जाणीव होते - आयुष्यमान खुराणा
ख्रिस्तोफर नोलन यांनी लिहिलेली ही चिठ्ठी शेअर करताना अक्षयने लिहिलंय, हा माझ्यासाठी अभिमान वाटणारा क्षण आहे. ख्रिस्तोफर नोलन यांनी आपला चित्रपट प्रदर्शित होत असताना डिंपल कपाडिया यांच्यासाठी एक चिठ्ठी लिहिली आहे. जर मी त्यांच्याजागी असतो तर आश्चर्याने एका जागेवरुन हाललोही नसतो. परंतु टेनेट चित्रपटात त्यांना पडद्यावर पाहणे एक जादुई होते. मला खूप आनंद झालाय. आई मला तुमचा अभिमान वाटतो."
डिंपल आणि ख्रिस्तोफर नोलन यांचा एक फोटोही अक्षयने शेअर केला आहे.
हेही वाचा - कंगनाशी टि्वटरवरील पंगा पडला फायद्यात; दिलजीत दोसांजच्या फॉलोवर्समध्ये 5 लाखांची वाढ
