लंडन : धूम्रपान एकदा जडल्यानंतर ते सोडणे महाकठिण काम होते. मात्र धूम्रपान सोडण्यासाठी ब्रिटीश संशोधकांनी धूम्रपान थांबवण्याचे मोबाइल अ‍ॅप विकसित केले आहे. युनिव्हर्सिटी ऑफ ईस्ट अँग्लियाच्या संशोधनाने क्विट सेन्स हे अ‍ॅप विकसित केले आहे. हे जगातील पहिले आर्टिफिशियल इंटेलिजन्स (एआय) स्टॉप स्मोकिंग अ‍ॅप आहे. नागरिक धुम्रपानाच्या ठिकाणी कधी प्रवेश करतात, याबाबत हे अ‍ॅप ओळखते. त्यानंतर त्या ठिकाणी नागरिकांच्या विशिष्ट धूम्रपान ट्रिगर्सचे व्यवस्थापन करण्यात मदत करते. हे अ‍ॅप धूम्रपान सोडण्यास मदत करेल, असा विश्वास या संशोधकांना आहे.
क्विट सेन्स अ‍ॅप कसे करते कार्य : अनेक वेळा नागरिकांचे धूम्रपान सोडण्याचे प्रयत्न अयशस्वी होतात. त्यामुळे धूम्रपानाच्या ठिकाणी वेळ घालवल्यामुळे धूम्रपान करण्याचा आग्रह केला जातो. मात्र धुम्रपान करणाऱ्यांना अशा प्रकारच्या परिस्थितीचे व्यवस्थापन करण्यात हे अ‍ॅप मदत करते. असे यूएईच्या स्कूल ऑफ हेल्थ सायन्सेस संशोधक प्राध्यापक फेलिक्स नॉटन यांनी स्पष्ट केले. क्विट सेन्स हे एक AI स्मार्टफोन अ‍ॅप आहे. ते वापरकर्त्यांना रिअल टाइममध्ये धूम्रपान करण्याची इच्छा व्यवस्थापित करण्यात मदत करते. याबाबत केव्हा आणि कोणते संदेश प्रदर्शित करायचे हे ठरवण्यासाठी पूर्वीच्या धूम्रपानाच्या घटनांच्या वेळा, स्थाने आणि ट्रिगर्सबद्दल शिकवले जाते, असेही केंब्रिज विद्यापीठातील क्लो सिगेल ब्राऊन यांनी सांगितले आहे.
ऑनलाइन दिली स्मोकिंग सपोर्टची लिंक : या संशोधकांनी नियंत्रित चाचणी करुन 209 धूम्रपान करणार्‍यांचा डेटा गोळा केला. यात सोशल मीडियाद्वारे नियुक्त करण्यात आले होते. त्यांना त्यांच्या उपचारांमध्ये संदेशाद्वारे माहिती पाठविण्यात आली होती. सर्व सहभागींना एनएचएस NHS ऑनलाइन स्मोकिंग सपोर्टची लिंक प्राप्त देण्यात आली होती. परंतु केवळ अर्ध्या लोकांना क्विट सेन्स अ‍ॅप प्राप्त झाला होता. सहा महिन्यांनंतर सहभागींना ऑनलाइन फॉलो अप उपाय पूर्ण करण्यास सांगितले. यात ज्यांनी धूम्रपान सोडल्याचा अहवाल दिला त्यांना त्याची पडताळणी करण्यासाठी लाळेचा नमुना परत पाठवण्यास सांगितले गेले. नागरिकांना अ‍ॅप ऑफर केले गेले होते, त्यांनी सहा महिन्यांनंतर फक्त ऑनलाइन एनएचएस NHS सपोर्टच्या तुलनेत चार पट जास्त धूम्रपान सोडल्याचा दावा या संशोधकांनी केला आहे. याबाबतचे संशोधन निकोटीन आणि टोबॅको रिसर्चमध्ये प्रकाशित झाले आहे.
हेही वाचा - Omicron Sub Variants : ओमिक्रॉनचा सबव्हेरियंट शरीराच्या रोगप्रतिकारक शक्तीतून कसा पडतो बाहेर, जाणून घ्या सविस्तर माहिती
