वॉशिंग्टन : भारतात कर्करोगाच्या रुग्णांचे प्रमाण झपाट्याने वाढत आहे. धकाधकीचे जीवन, केमिकलयुक्त आहार आणि जीवनशैलित आलेल्या अनियमितपणामुळे कर्करोग जगभरातही पसरला आहे. कर्करोगावर योग्य उपचार नसल्यामुळे रुग्ण दगावण्याचे प्रमाण वाढले होते. आता मात्र लेझर उपचार पद्धती कर्करोग टाळण्यास मदत करत असल्याचा मॅसॅच्युसेट्स येथील संशोधकांनी दावा केला आहे. त्यामुळे कर्करोगचा धोका असलेल्या नागरिकांना हा सगळ्यात मोठा दिलासा असल्याचे मानले जात आहे.
भारतात दररोज होतो १ हजार ३०० रुग्णांचा मृत्यू : देशात कर्करोग आजाराने रुग्ण दगावण्याचे प्रमाण वाढेल आहे. देशातील दर १५ नागरिकांमधील एकाला कर्करोगाने ग्रासल्याचा आहवाल जागतिक आरोग्य संघटनेने दिला आहे. त्यासह दिवसभरात १३०० कर्करोग रुग्णांचा भारतात मृत्यू होत असल्याची धक्कादायक माहिती समोर आली आहे. त्यावरुन भारतात कर्करोगाने किती मोठ्या प्रमाणात नागरिकांना आपली शिकार बनवले आहे, याची प्रचिती येते.
काय आहे मॅसॅच्युसेट्सच्या संशोधकांचा दावा : मॅसॅच्युसेट्स जनरल हॉस्पिटलमधील संशोधकांनी कर्करोगावर संशोधन केले आहे. त्यानुसार बेसल सेल कार्सिनोमा आणि स्क्वॅमस सेल कार्सिनोमा यांना संयुक्तपणे केराटिनोसाइट कार्सिनोमा म्हणून ओळखले जाते. अमेरिकेमध्ये सर्वात जास्त रुग्ण केराटिनोसाइट कार्सिनोमा या कर्करोगाचे मिळतात. या संशोधकांनी केलेल्या संशोधनानुसार लेझर उपचार पद्धतीने या रुग्णांना नागरिकांच्या त्वचेच्या आरोग्याचे रक्षण करते. ही पद्धत सोपी असल्याचा दावाही या संशोधकांनी केला आहे. त्यांचे संशोधन त्वचाविज्ञान शस्त्रक्रिया मासिकात प्रकाशित करण्यात आले आहे.
कसे करते लेझर उपचार पद्धती काम : लेझर उपचार पद्धतीत नॉनॅब्लेटिव्ह फ्रॅक्शनल लेसर (NAFL) फ्रॅक्शनल पद्धतीने उष्णता वितरीत करतात. त्यामुळे उपचारानंतर ती पूर्णपणे सुरक्षित असते. ही पद्धत सध्या त्वचेवरील चट्टे, सूर्यामुळे खराब झालेली त्वचा, वयामुळे आलेल्या डागांवर उपचार करण्यासाठी वापरली जाते. मात्र त्वचेचे नुकसान टाळण्यासाठी त्यांचा किती प्रभाव पडतो, याबाबतची माहिती या संशोधकांनी नमूद केलेली नाही. मास जनरल डर्मेटोलॉजी लेझर अँड कॉस्मेटिक सेंटरचे संचालक मॅथ्यू अवराम यांनी त्यांच्या सहकाऱ्यांसह भूतकाळात चेहऱ्यावरील केराटिनोसाइट कार्सिनोमासाठी यशस्वीरित्या उपचार केलेल्या रुग्णांचा अभ्यास केला.
लेझर उपचार पद्धती कर्करोग रोखण्यास करते मदत : या रूग्णांना 3 वर्षांच्या आत त्यानंतरच्या केराटिनोसाइट कार्सिनोमाचा 35 टक्के धोका असल्याचा त्यांनी दावा केला आहे. त्यानंतर 5 वर्षांच्या आत 50 टक्के धोका असल्याचेही ते म्हणाले आहे. या अभ्यासात 43 रुग्णांवर नॉनॅब्लेटिव्ह फ्रॅक्शनल लेसर ( NAFL ) थेरपी करण्यात आली. यातील 20.9 टक्के रुग्णांना किमान ५० टक्के धोका असल्याचा दावा या संशोधकांनी केला आहे. तर नवीन चेहऱ्याचा केराटिनोसाइट कार्सिनोमा विकसित होण्याची शक्यता 2.65 पट जास्त असल्याचेही त्यांनी नमूद केले आहे. त्यामुळे लेझर उपचार पद्धती कर्करोग रोखण्यास मदत करत असल्याचा दावा या संशोधकांनी केला आहे.
हेही वाचा - World Obesity Day 2023 : जगासमोरचे सगळ्यात मोठे आरोग्य संकट बनले लठ्ठपणा; कशी घ्यावी काळजी
